శ్రీ కపిలేశ్వరాలయంలో భక్తిశ్రద్ధలతో ముగిసిన శ్రీ సుబ్రహ్మణ్యస్వామివారి హోమం

తిరుపతి  సూర్య  న్యూస్  : తిరుపతి  లోని శ్రీ కపిలేశ్వరస్వామివారి ఆలయంలో నెల రోజుల పాటు నిర్వహిస్తున్న కార్తీక మాస హోమ మహోత్సవాల్లో భాగంగా శుక్రవారం శ్రీ సుబ్రహ్మణ్యస్వామివారి హోమం వైభవంగా ముగిసింది.
ఈ సందర్భంగా ఉదయం 9 నుంచి మధ్యాహ్నం 12 గంటల వరకు యాగశాలలో విశేష పూజలు, హోమం, మహాపూర్ణాహుతి, కలశ ఉద్వాసన నిర్వహించారు. అనంతరం శ్రీ సుబ్రహ్మణ్యస్వామివారికి మహాభిషేకం, కలశాభిషేకం, నివేదన, హారతి సమర్పించారు.

నేడు శ్రీ ధర్మశాస్త్ర స్వామివారి హోమం
------------
హోమ మహోత్సవాల్లో భాగంగా నేడు శ్రీ ధర్మశాస్త్ర స్వామివారి హోమం నిర్వహించనున్నారు. గృహస్తులు రూ.500 చెల్లించి ఒక రోజు హోమంలో పాల్గొనవచ్చు. పాల్గొనే గృహస్తులకు ఒక ఉత్తరీయం, ఒక రవికెతో పాటు అన్నప్రసాదం అందజేస్తారు.ఈ కార్యక్రమంలో ఆలయ డెప్యూటీ ఈవో నాగరత్న, సూపరింటెండెంట్ చంద్రశేఖర్, ఆలయ అర్చకులు, విశేష సంఖ్యలో భక్తులు పాల్గొన్నారు.

Raaju బ్యూరో, తిరుపతి జిల్లా,