అండూరులో ఉచిత పశువైద్య శిబిరం

జిన్నారం;జిన్నారం మున్సిపల్ పరిధిలోని అండూరు గ్రామంలో శుక్రవారం ఉచిత పశువైద్య శిబిరాన్ని నిర్వహించారు. ఈ సందర్భంగా పశువులకు సాధారణ వైద్య పరీక్షలు నిర్వహించడంతో పాటు గర్భకోశ సంబంధిత సమస్యలకు పశు వైద్యాధికారి శైలజ ఆధ్వర్యంలో సిబ్బంది చికిత్స అందించారు. రైతులకు అవసరమైన మందులు, మినరల్ మిక్సర్‌తో పాటు లేగదూడలకు నట్టల నివారణ మందులను ఉచితంగా పంపిణీ చేశారు. ఈ సందర్భంగా గోపాలమిత్ర సిబ్బంది మాట్లాడుతూ.. పశువులకు అన్నం పెట్టకుండా పశుగ్రాసం, తగిన పోషకాహారం అందించాలని సూచించారు. లేగదూడల ఆరోగ్య పరిరక్షణకు నెలకొకసారి నట్టల నివారణ మందులు తప్పనిసరిగా వేయించాలని రైతులకు అవగాహన కల్పించారు. పశువుల ఆరోగ్యంపై రైతులు ప్రత్యేక శ్రద్ధ తీసుకోవాలని సూచించారు. ఈ కార్యక్రమంలో పశువైద్య అధికారి శైలజ, గోపాలమిత్ర సిబ్బంది, రైతులు పాల్గొన్నారు.