ఫిర్యాదులు నిర్ణీత గడువు లోపు పరిష్కరించాలి --- జడ్పీ సీఈవో మధుసూదన్

నెల్లూరు, కార్పొరేషన్, మేజర్ న్యూస్  :     జిల్లా ప్రజా పరిషత్ కార్యాలయం, నెల్లూరులో పి జి ఆర్ ఎస్  బృంద సభ్యులతో శుక్రవారం జడ్పీ సీఈవో ఎస్ మధుసూదన్  సమీక్ష సమావేశం నిర్వహించారు.  ఈ సమావేశంలో ప్రజా ఫిర్యాదుల పరిష్కార వ్యవస్థ  పనితీరు, ఫిర్యాదుల పరిష్కారంలో నాణ్యత, నిర్ణీత గడువులోపు ఫిర్యాదుల పరిష్కారంపై సమీక్ష నిర్వహించారు. ఈ సందర్భంగా పి జి ఆర్ ఎస్   బృంద సభ్యులకు క్రింది సూచనలు సీఈవో  జారీ చేయడం జరిగింది.  ఫిర్యాదులపై రోజువారీ పర్యవేక్షణ చేయాలన్నారు. పి జి ఆర్ ఎస్ ద్వారా అందిన అన్ని ఫిర్యాదులను ప్రతిరోజూ పర్యవేక్షిస్తూ, పెండింగ్‌లో ఉన్న ఫిర్యాదులపై నిరంతరం ఫాలోఅప్ చేయాలనీ,నిర్ణీత ఎస్ ఎల్ ఎ   గడువులోపు ఫిర్యాదులను పరిష్కరించాలని అన్నారు. ఫిర్యాదుల పరిష్కారంలో నాణ్యతకు అత్యంత ప్రాధాన్యత ఇవ్వాలని,ప్రతి ఫిర్యాదుపై సమగ్రంగా పరిశీలించి, తగిన చర్యలు తీసుకున్న అనంతరం సంతృప్తికరమైన పరిష్కారం అందించాలని అన్నారు. సంబంధిత శాఖలకు చెందిన ఫిర్యాదుల పరిష్కారం కోసం అన్ని శాఖాధిపతులతో  నిరంతరం సంప్రదింపులు జరుపుతూ సమన్వయంతో పనిచేయాలని,  నాణ్యతా తనిఖీ పరిష్కరించిన ఫిర్యాదులపై క్రమం తప్పకుండా నాణ్యతా తనిఖీలు నిర్వహించి, తీసుకున్న చర్యలు సరైనవిగా, సమగ్రమైనవిగా,  ఫిర్యాదుదారునికి సంతృప్తికరంగా ఉన్నాయో లేదో పరిశీలించాలని సూచించారు . పెండింగ్‌లో ఉన్న,  పరిష్కరించిన ఫిర్యాదులపై నిరంతర పర్యవేక్షణ, ఫాలోఅప్ చేపట్టాలని, పరిష్కారంలో జాప్యానికి గల కారణాలను గుర్తించి, అవసరమైన చర్యలు తీసుకోవాలని సీఈవో అన్నారు.  పి జి ఆర్ ఎస్  బృంద సభ్యులందరూ సంబంధిత శాఖలతో సమన్వయం చేసుకుంటూ, బాధ్యతాయుతంగా విధులు నిర్వహించి, ప్రజల ఫిర్యాదులను నిర్ణీత గడువులోపు నాణ్యతతో పరిష్కరించాలని సూచించారు.  ప్రజలకు పారదర్శకమైన, సమర్థవంతమైన,  సత్వర సేవలు అందిస్తూ, పి జి ఆర్ ఎస్  వ్యవస్థ పనితీరును మరింత మెరుగుపరచాలని ఈ సందర్భంగా స్పష్టం చేయడం జరిగింది.