నేటి బాలలే.. రేపటి భావి పౌరులు టీడీపీ బీసీ సెల్ రాష్ట్ర ప్రధాన కార్యదర్శి.. మాచాని

 

 

ఎమ్మిగనూరు,సూర్  ప్రతినిధి  నేటి బాలలు ఉన్నత చదువులు చదివి భావి భారత పౌరులుగా రానున్న సమాజానికి నిలువెత్తు నిదర్శనంగా నిలవాలని ఇందుకు  మీకు కావాల్సినదంతా క్రమశిక్షణతో ఉపాధ్యాయులు చెప్పే పాఠాలు శ్రద్ధగా వింటే మీరే నిజమైన భారత దేశ వారసత్వ సంపదగా నిలుస్తారని టిడిపి బీసీ సెల్ రాష్ట్ర ప్రధాన కార్యదర్శి డాక్టర్ మాచాని సోమనాథ్ పేర్కొన్నారు. శుక్రవారం మాచాని సోమప్ప ఇంగ్లీష్ మీడియం పాఠశాలలో  బాలల దినోత్సవ వేడుకలు ఘనంగా జరుపుకున్నారు. ఈ జాతీయ బాలల దినోత్సవాన్ని పురస్కరించుకుని పద్మశ్రీ మాచాని సోమప్ప మెమోరియల్ ట్రస్ట్ ఆధ్వర్యంలో విద్యార్థులకు నిర్వహించిన క్విజ్ పోటీలు ఉత్సాహంగా జరిగాయి. పట్టణంలోని మాచాని సోమప్ప ఇంగ్లీష్ మీడియం స్కూల్‌లో రాష్ట్ర టీడీపీ బీసీ సెల్ ప్రధాన కార్యదర్శి డా. మాచాని సోమనాథ్ ఆధ్వర్యంలో వివిధ పాఠశాలలకు చెందిన 8, 9, 10వ తరగతి విద్యార్థులకు ఈ పోటీలు నిర్వహించారు.పోటీల్లో మాచాని సోమప్ప ఇంగ్లీష్ మీడియం స్కూల్‌కు చెందిన విజయ్, లిఖిత సాయి జంట మొదటి బహుమతిగా రూ.5,000,  నగదు బహుమతి పొందారు.వివర్స్ కాలనీ ప్రభుత్వ  జిల్లా పరిషత్ హైస్కూల్‌కు చెందిన తిరుమల సాయి, పార్థివ్ జంట రెండో బహుమతిగా రూ.3,000, ఎంఎస్ నగర్ జిల్లా పరిషత్ హైస్కూల్‌కు చెందిన భవాని ప్రసాద్, శివశంకర్ జంట మూడో బహుమతిగా రూ.2,000, కస్తూరి స్కూల్‌కు చెందిన ఇస్లాం భాష, వంశీకృష్ణ జంట నాలుగో బహుమతిగా రూ.1,000 నగదు, ప్రశంసాపత్రాలు అందుకున్నారు.ఈ సందర్భంగా డా. మాచాని సోమనాథ్ మాట్లాడుతూ నేటి బాలలే రేపటి భారతదేశ నిర్మాతలని, పిల్లల చిరునవ్వులోనే దేశ భవిష్యత్తు దాగి ఉందన్నారు. అందుకే మాజీ ప్రధానమంత్రి చాచా నెహ్రూ బాల అంటే ఇష్టపడతారన్నారు. విద్యార్థులు తల్లిదండ్రులు, ఉపాధ్యాయుల సూచనలు పాటిస్తూ క్రమశిక్షణతో చదువుకుని ఉన్నత శిఖరాలను అధిరోహించాలని ఆకాంక్షించారు.  విజేతలకు నగదు బహుమతులు, ప్రశంసాపత్రాలు అందజేశారు 

A. R శరత్ కుమార్, సూర్య ప్రతినిధి, ఎమ్మిగనూరు, కర్నూలు జిల్లా.