నాణ్యమైన గృహ నిర్మాణానికి బిల్డర్లు ప్రాధాన్యమివ్వాలి-మంత్రి నారాయణ
నెల్లూరు, కార్పొరేషన్, మేజర్ న్యూస్ : రాష్ట్రంలో రియల్ ఎస్టేట్ రంగం అభివృద్ధికి ప్రభుత్వం అనేక సంస్కరణలు తీసుకొచ్చిందని పురపాలక, పట్టణాభివృద్ధి శాఖ మంత్రి డాక్టర్ పొంగూరు నారాయణ తెలిపారు. రియల్ ఎస్టేట్ రంగం అభివృద్ధి చెందితే రాష్ట్రం ఆర్థికంగా మరింత బలోపేతం అవుతుందన్నారు.శుక్రవారం విశాఖపట్నంలోని గాదిరాజు ఫంక్షన్ హాల్‌లో జరుగుతున్న నరేడ్కో ప్రాపర్టీ షో–2026కు ఆయన ముఖ్య అతిథిగా హాజరయ్యారు. ఈ సందర్భంగా ప్రాపర్టీ షోలో ఏర్పాటు చేసిన వివిధ స్టాళ్లను పరిశీలించారు. అనంతరం మంత్రి మాట్లాడుతూ.. కొనుగోలుదారులకు అందుబాటు ధరల్లో నాణ్యమైన ఇళ్లను నిర్మించేందుకు బిల్డర్లు, డెవలపర్లు కృషి చేయాలన్నారు. నరేడ్కో సభ్యులకు ఎలాంటి సహాయం అవసరమైనా నేరుగా తనను సంప్రదించాలని సూచించారు. విశాఖలో సీఐఐ భాగస్వామ్య సదస్సు జరుగుతున్న సమయంలోనే ప్రాపర్టీ షో నిర్వహించడం
సంతోషకరమన్నారు.
పెట్టుబడుల సదస్సు ద్వారా రాష్ట్రానికి భారీగా పెట్టుబడులు తీసుకొస్తూ యువతకు పెద్ద ఎత్తున ఉపాధి అవకాశాలు కల్పిస్తున్నామని మంత్రి వివరించారు.
