30 మంది ప్రయాణికులు ఉంటే మీ వద్దకే ఆర్టీసీ బస్సు

కొల్చారం .…కార్తీక మాసం సందర్భంగా భక్తులు, ప్రయాణికుల సౌకర్యార్థం తెలంగాణ ఆర్టీసీ ప్రత్యేక బస్సు సదుపాయాన్ని కల్పిస్తున్నట్లు నర్సాపూర్ ఆర్టీసీ డిపో మేనేజర్ రామ్ మోహన్ తెలిపారు. కనీసం 30 మంది ప్రయాణికులు ఒక బృందంగా ఉంటే వారు కోరుకున్న ప్రాంతానికి నేరుగా వారి వద్దకే ఆర్టీసీ బస్సును ఏర్పాటు చేస్తామని వెల్లడించారు.శబరిమల, గాణుగాపూర్, యాదగిరిగుట్ట, శ్రీశైలం, అరుణాచలం, తిరుపతి, వేములవాడ తదితర ప్రముఖ పుణ్యక్షేత్రాలకు ప్రత్యేక బస్సులు అందుబాటులో ఉంటాయని పేర్కొన్నారు. ప్రయాణించే ప్రాంతం, దూరాన్ని బట్టి బస్సు చార్జీలు నిర్ణయించబడతాయని తెలిపారు.ఈ అవకాశాన్ని భక్తులు, ప్రయాణికులు సద్వినియోగం చేసుకోవాలని డీఎం రామ్ మోహన్ సూచించారు. మరిన్ని వివరాలు, బస్సుల బుకింగ్ కోసం 6304754602 నంబర్‌ను సంప్రదించాలని కోరారు.