పని దినాల్లోనే సర్పంచ్ ఎన్నికల శిక్షణా కార్యక్రమాలు నిర్వహించాలి.. డి ఆర్ ఓ కు ఫ్యాప్టో జిల్లా నాయకుల వినతి
అనంతపురం విద్య మేజర్ న్యూస్ :-గ్రామ పంచాయతీ సర్పంచ్ ఎన్నికల శిక్షణ కార్యక్రమాలను ఆదివారాలకు బదులుగా పని దినాల్లో నిర్వహించాలని ఫ్యాప్టో జిల్లా నాయకులు కోరారు. ఈ మేరకు జిల్లా రెవెన్యూ అధికారి మలోలకు వినతిపత్రం అందజేశారు.
ఉపాధ్యాయులకు సొంత లేదా సమీప మండలాల్లో ఎన్నికల విధులు కేటాయించాలని, ఆరోగ్య సమస్యలున్న వారికి, పదో తరగతి విద్యా కార్యక్రమాల్లో నిమగ్నమైన ప్రధానోపాధ్యాయులకు విధుల నుంచి మినహాయింపు ఇవ్వాలని కోరారు. పోలింగ్ మరుసటి రోజు ఒకరోజు ఓడీ, సమాన పారితోషికం, నాణ్యమైన భోజనం, తాగునీరు, కనీస వసతులు కల్పించాలని విజ్ఞప్తి చేశారు.
కార్యక్రమంలో ఫ్యాప్టో నాయకులు కోటేశ్వరప్ప, రమణారెడ్డి, రవీంద్ర, వెంకటరత్నం, రామాంజనేయులు, గోవిందరాజులు, అశోక్ నాయక్, గోపాల్ రెడ్డి, నాగేంద్ర, హనుమంతు, అజయ్ కుమార్, సమీవుల్లా తదితరులు పాల్గొన్నారు.
మల్లికార్జున నేటి దినపత్రిక సూర్య స్టాఫ్ రిపోర్టర్..
