131 కంప్యూటర్ల గోల్‌మాల్‌పై విచారణ జరపాలి: బీటీఎఫ్*

*కర్నూలు:* 2020లో ఉమ్మడి కర్నూలు, నంద్యాల జిల్లాలకు మంజూరైన 131 ఆల్ ఇన్ వన్ కంప్యూటర్ల పంపకంలో గోల్‌మాల్ జరిగిందని బహుజన టీచర్స్ ఫెడరేషన్ ఆరోపించింది. పూర్తిస్థాయి విచారణ చేపట్టాలని డిమాండ్ చేసింది.

ఫెడరేషన్ జిల్లా అధ్యక్షుడు కె. సతీష్ కుమార్ మాట్లాడుతూ, 54 భవిత సెంటర్లు, 2 అర్బన్ హెల్త్ సెంటర్లు, 65 మదరసాలు, 10 సమగ్ర శిక్ష కార్యాలయాలకు కంప్యూటర్లు మంజూరయ్యాయన్నారు. వీటిలో 30కి పైగా కంప్యూటర్లు అమ్ముకున్నట్లు ఆరోపణలు ఉన్నాయని చెప్పారు.

ఈ విషయంలో విచారణాధికారి వనజాకుమారికి వినతిపత్రం అందజేశామని, ఆర్టీఐ కింద కూడా దరఖాస్తు చేశామని తెలిపారు.