మైనార్లు వాహనాలు నడిపితే జరిమానాలు తప్పవు : మదనపల్లి ట్రాఫిక్ సీఐ చాంద్ బాషా హెచ్చరికలు

మదనపల్లి,మేజర్ న్యూస్ : కర్నూలు రేంజ్ డీఐజీ సూచనల మేరకు అన్నమయ్య జిల్లా ఎస్పీ ధీరజ్ కునుబిల్లి ఆదేశాల మేరకు శుక్రవారం ఉదయం ట్రాఫిక్ సీఐ చాంద్ బాషా వారి సిబ్బంది కలసి వాహనదారులతో రోడ్డు ప్రమాదాలు తగ్గించేందుకు,నివారించేందుకు స్పెషల్ డ్రైవ్ నిర్వహించడం జరిగింది.ఇందులో భాగంగా మదనపల్లి పట్టణం నందు ముఖ్యంగా మైనర్ పిల్లలు పాఠశాలలు,కళాశాలకు ద్విచక్ర వాహనాలు నడుపుకుంటూ వెళ్తున్న విద్యార్థుల వాహనాలను ఆపడంతోపాటు పరిమితికి మించి ప్యాసింజర్లతో వెళ్లే ఆటోలను కూడా ఆపి,వారికి ప్రమాదాలను వివరిస్తూ మైనర్ పిల్లలను,ఆటో డ్రైవర్లని హెచ్చరించారు.ముఖ్యంగా మైనర్ విద్యార్థులు  వాహనాలను నడపడం నేరమని,మీరూ తెలియక వాహనాలను నడుపుతున్నారు కావున,ఇక మీదట మీరు వాహనము నడుపుకుంటూ పాఠశాల,కళాశాలకి   పోయిన యెడల మీ తల్లిదండ్రులను మదనపల్లి ట్రాఫిక్ పోలీస్ స్టేషన్ వద్దకు పిలిపించి,కౌన్సిలింగ్ ఇవ్వాల్సి వస్తుందని తెలిపారు.ఇకమీదట ఎవరైనా మైనర్లు వాహనాలు నడుపుతూ పట్టుబడినట్లయితే,ఆ వాహనాలను వన్ టౌన్ లేదా టూ టౌన్ మదనపల్లి పోలీస్ స్టేషన్ ఇన్స్పెక్టర్లకు మైనర్ వాహనాలను అప్పగించి,జరిమానాలు విధించడంతోపాటు మైనర్లపై కేసులను నమోదు చేయడమే కాకుండా చట్టప్రకారం కోర్టు నందు హాజరు పరుస్తామని హెచ్చరించారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి