రైతులకు ఇబ్బందులు లేకుండా ధాన్యం కొనుగోళ్లుమారేపల్లి సొసైటీ చైర్మన్‌ రాజు
కొండాపూర్‌;కొండాపూర్‌ మండల పరిధిలోని మారేపల్లి సహకార సంఘం ఆధ్వర్యంలో నిర్వహిస్తున్న ధాన్యం కొనుగోలు కేంద్రాల వద్ద రైతులకు ఎలాంటి ఇబ్బందులు, జాప్యం లేకుండా వడ్లను కొనుగోలు చేస్తామని సొసైటీ చైర్మన్‌ రాజు తెలిపారు. రైతులకు అవసరమైన సౌకర్యాలు కల్పిస్తూ, ధాన్యం కొనుగోళ్లను సకాలంలో పూర్తి చేసేలా చర్యలు తీసుకుంటున్నట్లు పేర్కొన్నారు.మారేపల్లి సొసైటీ పరిధిలోని గ్రామాలతో పాటు చుట్టుపక్కల ప్రాంతాల రైతులు తమ ధాన్యాన్ని కొనుగోలు కేంద్రాలకు తీసుకువచ్చి ఆరబెట్టుకోవాలని సూచించారు. రైతులకు అవసరమైన టార్పాలిన్లు, ఇతర సౌకర్యాలను అందుబాటులో ఉంచుతామని తెలిపారు.దళారులను నమ్మి మోసపోవద్దు రైతులు దళారులను నమ్మి మోసపోకుండా ప్రభుత్వ కొనుగోలు కేంద్రాల్లోనే ధాన్యాన్ని విక్రయించాలని రాజు సూచించారు. ప్రభుత్వం నిర్ణయించిన మద్దతు ధరతో పాటు సన్న వడ్లకు క్వింటాల్‌కు రూ.500 బోనస్‌ అందుతుందని తెలిపారు. ధాన్యం విక్రయించిన రైతుల ఖాతాల్లో సొమ్ము సకాలంలో జమ అయ్యేలా ప్రభుత్వం చర్యలు తీసుకుంటుందని పేర్కొన్నారు.కొనుగోలు కేంద్రాల వద్ద రైతులకు ఏవైనా సమస్యలు ఎదురైతే అక్కడి అధికారులను, సొసైటీ పాలకవర్గాన్ని సంప్రదించాలని సూచించారు. సమస్యలను త్వరితగతిన పరిష్కరించి రైతులకు ఇబ్బందులు లేకుండా ధాన్యం కొనుగోళ్లు చేపడతామని మారేపల్లి సొసైటీ చైర్మన్‌ రాజు స్పష్టం చేశారు.
