ఇందిరమ్మ ఇంటి గృహప్రవేశ కార్యక్రమంలో పాల్గొన్న కార్పొరేటర్ ఆకుల నర్మద నర్సన్న

కరీంనగర్: నగరంలోని 11వ డివిజన్‌లో ఈరోజు ఇందిరమ్మ ఇంటి గృహప్రవేశ కార్యక్రమం నిర్వహించారు. ఈ కార్యక్రమానికి 11వ డివిజన్ కార్పొరేటర్ శ్రీమతి ఆకుల నర్మద నర్సన్న హాజరై, లబ్ధిదారులైన అప్సానా బేగం, మహమ్మద్ ఖాదర్‌లకు శుభాకాంక్షలు తెలిపారు.

ఈ సందర్భంగా లబ్ధిదారులు మాట్లాడుతూ, తమ సొంత ఇంటి కలను సాకారం చేసినందుకు ముఖ్యమంత్రి శ్రీ రేవంత్ రెడ్డి గారికి, కాంగ్రెస్ ప్రభుత్వానికి ప్రత్యేక ధన్యవాదాలు తెలిపారు. కాంగ్రెస్ ప్రభుత్వం అందిస్తున్న ఇందిరమ్మ ఇళ్ల వంటి సంక్షేమ పథకాల వల్ల తమ కుటుంబానికి ఎంతో మేలు జరిగిందని, ప్రభుత్వానికి ఎల్లప్పుడూ రుణపడి ఉంటామని ఆనందం వ్యక్తం చేశారు.

ఈ కార్యక్రమంలో కార్పొరేటర్ ఆకుల నర్మద నర్సన్న మాట్లాడుతూ, ప్రజలకు సంక్షేమ పథకాల ఫలాలు అందేలా కృషి చేస్తామని తెలిపారు.