పశుగ్రాస సాగు చేపట్టండి.. నీటి తొట్టెలను పరిశుభ్రంగా ఉంచండి

కడ్తాల్, రంగారెడ్డి 

- రైతులకు MAHO డా.భాను నాయక్ సూచన*

ఎల్‌నినో ప్రభావం, రాబోయే వేసవిని దృష్టిలో ఉంచుకొని రైతులు ముందస్తుగా పశుగ్రాస సాగు చేపట్టాలని కడ్తాల్ మండల పశుసంవర్ధక అధికారి డాక్టర్ భాను నాయక్ కేతావత్ విజ్ఞప్తి చేశారు.

VBG-G RAM G పథకం కింద వ్యక్తిగత రైతులు లేదా రైతు సంఘాలు, సొసైటీలు పశుగ్రాస సాగు చేపట్టి అర్హత, ఆమోదానికి లోబడి రూ.14,000 వరకు ఆర్థిక ప్రయోజనం పొందవచ్చని తెలిపారు. వేసవిలో పచ్చిమేత కొరత రాకుండా ఇప్పటి నుంచే ప్రణాళికాబద్ధంగా సాగు చేయాలని సూచించారు.

అదేవిధంగా మండలంలోని అన్ని గ్రామ పంచాయతీ కార్యదర్శులు పశువుల తాగునీటి తొట్టెలను పరిశీలించి ఎప్పటికప్పుడు శుభ్రంగా ఉంచాలన్నారు. వేసవిలో తాగునీరు అందుబాటులో ఉండేలా చూడాలని, అదనపు తొట్టెలు అవసరమైతే VBG-G RAM G పథకం కింద మంజూరుకు ప్రతిపాదనలు పంపాలని కోరారు.

రైతులు, పశుపోషకులు, పంచాయతీ కార్యదర్శులు సమన్వయంతో పనిచేసి పశువుల ఆరోగ్య పరిరక్షణకు సహకరించాలని విజ్ఞప్తి చేశారు.