నగరంలో ముమ్మరంగా ఎమ్మెల్యే దగ్గుపాటి సతీమణి శ్రీలక్ష్మి, కుమార్తె అశ్రిత ఎన్నికల ప్రచారం.. 45, 48 డివిజన్లలో ప్రచార కార్యక్రమం.. దగ్గుపాటి శ్రీలక్ష్మి కి మహిళల నుంచి అనూహ్య స్పందన

అనంతపురం ప్రతినిధి, మేజర్ న్యూస్ :-  మున్సిపల్ ఎన్నికల ప్రచారంలో భాగంగా అనంతపురం ఎమ్మెల్యే దగ్గుపాటి ప్రసాద్  సతీమణి దగ్గుపాటి శ్రీలక్ష్మి, కుమార్తె అశ్రిత  ముమ్మరంగా ప్రచారం నిర్వహించారు. నేడు 45, 48 డివిజన్ లలో కూటమి అభ్యర్థుల విజయమే లక్ష్యంగా ప్రచారం చేపట్టారు. స్థానిక మహిళా నేతలు, కూటమి నాయకులతో కలిసి ఆమె ప్రతి ఇంటికీ తిరుగుతూ ఓటర్లను కలిశారు. 45వ డివిజన్ టిడిపి అభ్యర్థి దాదా ఖలందర్, 48వ డివిజన్ టిడిపి అభ్యర్థి సంగీత  ఇతర నాయకులతో కలిసి ఈ ప్రచారంలో పాల్గొన్నారు. ఈ సందర్భంగా దగ్గుపాటి శ్రీలక్ష్మి  మాట్లాడుతూ.. గత రెండున్నర ఏళ్లుగా కూటమి ప్రభుత్వం నగరంలో చేపట్టిన రికార్డు స్థాయి అభివృద్ధి కార్యక్రమాలను, అందించిన సంక్షేమ పథకాలను ప్రజలకు క్షుణ్ణంగా వివరించారు. నగర సమగ్ర వికాసం కోసం, మౌలిక వసతుల కల్పన నిరంతరాయంగా సాగాలన్నా మున్సిపల్ కార్పొరేషన్‌లో కూటమి జెండా ఎగరడం ఎంతో అవసరమన్నారు. కేంద్రం, రాష్ట్రంలో, స్థానికంగా ఒకే ప్రభుత్వం ఉంటేనే అభివృద్ధి సాధ్యమన్నారు. నగర మేయర్ గా అజేష్  గెలిస్తే కేంద్రం నుంచి ఎక్కువ నిధులు వచ్చే అవకాశం ఉంటుందన్నారు. ప్రజలంతా మేయర్ తో పాటు 62డివిజన్ లోని కూటమి అభ్యర్థులకు ఓటు వేసి గెలిపించాలని శ్రీలక్ష్మీ  కోరారు.