అభివృద్ధి చూసి ఓటు వేయండి - ఎమ్మెల్యే జూలకంటి.

అభివృద్ధిని చూసి ఓటు వేయండి - ఎమ్మెల్యే జూలకంటి.

మాచర్ల:

మాచర్ల మున్సిపాలిటి చరిత్రలో గతంలో ఎన్నడూ లేని విధంగా కూటమి ప్రభుత్వ రెండేళ్ల పాలనలో రూ.260 కోట్లు నిధులు తీసుకొచ్చి, అభివృద్ధి చేసి చూపాం..! మున్సిపాలిటిలో జరుగుతున్న అభివృద్ధి మరింతగా ముందుకు సాగాలంటే కూటమి పార్టీల అభ్యర్ధులను భారీ మేజారిటితో గెలిపించాలని మాచర్ల శాసన సభ్యులు జూలకంటి బ్రహ్మానందరెడ్డి ఉద్ఘాటించారు. గురువారం మున్సిపాలిటి పరిధిలో 1 , 8 వ వార్డుల నందు ఎమ్మెల్యే జూలకంటి, 2 , 3వ వార్డుల నందు టీడీపీ యువ నాయకులు గౌతమ్ జూలకంటి, 35, 36 వ వార్డుల నందు మహిళా నాయకురాలు శోభారాణి లు త్రిముఖ వ్యూహంతో ప్రచారంలో దూసుకుపోయారు. ప్రతి ఇంటికీ వెళ్లి.., కూటమి ప్రభుత్వం చేసిన మంచిని, పంచిన సంక్షేమాన్ని వివరిస్తూ.., కౌన్సిలర్ అభ్యర్ధులను, చైర్మన్ అభ్యర్ధి యెనుముల సుష్మా కేశవరెడ్డిని భారీ మెజారిటీతో గెలిపించాలని కోరారు. అప్యాయంగా పలకరిస్తూ.., ప్రతి వీధిలో జరిగిన అభివృద్ధిని చూపుతూ కూటమి పార్టీల శ్రేణులను కలుపుకుంటూ ప్రచారంలో ముందుకు సాగారు. ఈ కార్యక్రమంలో టీడీపీ నాయకులు యాగంటి మల్లికార్జునరావు, యెనుముల కేశవరెడ్డి, గడ్డ మల్లికార్జునరావు, గట్ల కోటిరెడ్డి, దుర్గారావు, శాంతి నాయుడు, వజ్రం నాయక్, బీజేపీ నాయకులు సురేష్, సీతాంజి తదితరులు పాల్గొన్నారు.

తవిటి శ్రీకాంత్. సీనియర్ రిపోర్టర్ మాచర్ల.