భర్త వేధింపులతో భార్య ఆత్మహత్య - కేసు నమోదు

*కడ్తాల్, రంగారెడ్డి 

భర్త వేధింపులు తట్టుకోలేక ఓ మహిళ ఆత్మహత్య చేసుకున్న ఘటన కడ్తాల్ పోలీస్ స్టేషన్ పరిధిలో చోటుచేసుకుంది. పోలీసుల వివరాల ప్రకారం…

చింతకుంటపల్లి గ్రామానికి చెందిన కుమ్మరి సుగుణమ్మ ఫిర్యాదు మేరకు, ఆమె కూతురు లావణ్య (29) కు 10 ఏళ్ల క్రితం మక్తమాదారం గ్రామానికి చెందిన ఎగిరిశెట్టి ఆంజనేయులు (35) తో వివాహం జరిగింది. వారికి ఇద్దరు కుమారులు ఉన్నారు.

నిందితుడు గత నాలుగేళ్లుగా మద్యానికి బానిసై భార్యను శారీరకంగా, మానసికంగా వేధిస్తున్నాడని, పెద్దల సమక్షంలో పంచాయతీలు జరిగినా తీరు మార్చుకోలేదని ఫిర్యాదులో పేర్కొన్నారు. ఈ నెల 29న ఉదయం మద్యం సేవించి వచ్చి భార్యను దూషించి కొట్టాడని, మనస్తాపానికి గురైన లావణ్య అదే రోజు మధ్యాహ్నం ఇంట్లో ఆత్మహత్యకు పాల్పడిందని తెలిపారు.

ఫిర్యాదు మేరకు కేసు నమోదు చేసి దర్యాప్తు చేస్తున్నట్లు కడ్తాల్ ఇన్‌స్పెక్టర్ వి. సైదీ రెడ్డి తెలిపారు.

లక్ష్మణ్ మేజర్ న్యూస్…