అమరవీరుల స్ఫూర్తితో.. 350 యూనిట్ల రక్తదానం. - యువతను అభినందించిన డీసీపీ

సూర్య - పెద్దపల్లి: పోలీస్ అమరవీరుల వారోత్సవాల్లో భాగంగా పెద్దపల్లి సర్కిల్ పోలీసుల ఆధ్వర్యంలో నిర్వహించిన రక్తదాన శిబిరానికి యువత నుంచి విశేష స్పందన లభించింది. ఈ శిబిరంలో యువకులు ఉత్సాహంగా పాల్గొని 350 యూనిట్ల రక్తాన్ని దానం చేశారు.పెద్దపల్లి డీసీపీ బి. రామ్‌రెడ్డి శిబిరాన్ని ప్రారంభించి, రక్తదానం చేసిన యువతను అభినందించారు. విధి నిర్వహణలో ప్రాణాలర్పించిన పోలీసు అమరవీరుల త్యాగాలను స్మరించుకుంటూ నిర్వహిస్తున్న ఈ కార్యక్రమంలో యువత పెద్ద సంఖ్యలో పాల్గొనడం అభినందనీయమన్నారు. రక్తదానం ఆపదలో ఉన్నవారి ప్రాణాలను కాపాడేందుకు దోహదపడుతుందని పేర్కొన్నారు.
కార్యక్రమంలో టౌన్ సీఐ ప్రవీణ్ కుమార్, మహిళా పోలీస్ స్టేషన్ సీఐ రమేష్, ట్రాఫిక్ సీఐ శ్రీనివాస్, ఎస్‌ఐలు జి. రాజశేఖర్, మధుకర్, శ్రీకాంత్, పోలీసు సిబ్బంది, రెడ్‌క్రాస్ ప్రతినిధులు, స్థానిక నాయకులు పాల్గొన్నారు.