పెద్ద రంగాపురంలో వైసిపి ఇంటింటి ప్రచారం

పులివెందుల మేజర్ న్యూస్:

పులివెందుల మున్సిపాలిటీ పరిధిలోని 1వ వార్డు పెద్దరంగాపురంలో వైఎస్సార్ కాంగ్రెస్ పార్టీ ఎన్నికల ప్రచారం జోరుగా సాగింది. గురువారం పులివెందుల మున్సిపల్ ఇన్‌చార్జి వైఎస్ మనోహర్ రెడ్డి, ఆయన కుమారుడు కిరణ్ కుమార్ రెడ్డి ఇంటింటి ప్రచారం నిర్వహిస్తూ ఓటర్లను కలిశారు.
నవంబర్ 1న జరగనున్న మున్సిపల్ ఎన్నికల్లో వైఎస్సార్ కాంగ్రెస్ పార్టీ చైర్‌పర్సన్ అభ్యర్థి వైఎస్ ప్రమీలమ్మను ఫ్యాన్ గుర్తుపై ఓటు వేసి భారీ మెజార్టీతో గెలిపించాలని వారు ఓటర్లను కోరారు. ఈ సందర్భంగా ఇంటింటికీ వెళ్లి వైఎస్సార్ కాంగ్రెస్ పార్టీ ప్రభుత్వ హయాంలో మాజీ ముఖ్యమంత్రి వైఎస్ జగన్‌మోహన్ రెడ్డి ప్రజలకు అందించిన సంక్షేమ పథకాలను వివరించారు.
వైఎస్సార్ కాంగ్రెస్ పార్టీతోనే మున్సిపాలిటీ అభివృద్ధి సాధ్యమని, ప్రజల సమస్యల పరిష్కారానికి పార్టీ ఎల్లప్పుడూ కృషి చేస్తుందని వారు పేర్కొన్నారు. ఓటర్లంతా తమ అమూల్యమైన ఓటును ఫ్యాన్ గుర్తుపై వేసి వైఎస్ ప్రమీలమ్మను భారీ మెజార్టీతో గెలిపించాలని విజ్ఞప్తి చేశారు.
ఈ కార్యక్రమంలో వైఎస్సార్‌సీపీ పులివెందుల నియోజకవర్గ యువజన విభాగం అధ్యక్షుడు రామ్ లక్ష్మణ్ రెడ్డి, 1వ వార్డు బీసీ అధ్యక్షుడు రాజేష్ కన్నా, బీసీ ప్రధాన కార్యదర్శులు సుబ్బయ్య, పుల్లయ్యతో పాటు వైఎస్సార్‌సీపీ నాయకులు, కార్యకర్తలు పాల్గొన్నారు.

పి కృష్ణ. పులివెందుల స్టాప్ రిపోర్టర్ కడప జిల్లా