పువ్వాడి దంపతులకు ఘన సన్మానం

- మాజీ ఏఎంసీ చైర్మన్ దారపనేని చంద్రశేఖర్ ఆధ్వర్యంలో అభినందనలు

పామూరు, మేజర్ న్యూస్ : మండలంలోని చిలంకూరు ఎంపీటీసీగా పువ్వాడి వెంకటేశ్వర్లు, తూర్పు కోడిగుడ్లపాడు ఎంపీటీసీగా ఆయన సతీమణి పువ్వాడి వెంకటలక్ష్మి ఏకగ్రీవంగా ఎన్నికైన సందర్భంగా గురువారం వారిని కనిగిరి మాజీ ఏఎంసీ చైర్మన్ దారపనేని చంద్రశేఖర్‌తో పాటు తూర్పు కోడిగుడ్లపాడు టీడీపీ శ్రేణులు ఘనంగా సన్మానించారు. దారపనేని రాజేంద్రప్రసాద్, దారపనేని చిన్న చిన్నయ్య, తిరివీధి కేశవరావు, మానం మల్లికార్జునరావు తదితరులు పువ్వాడి దంపతులకు పూలమాలలు వేసి, దుశ్శాలువాలతో సత్కరించి అభినందనలు తెలిపారు.

ఈ సందర్భంగా దారపనేని చంద్రశేఖర్ మాట్లాడుతూ తమ స్వగ్రామమైన తూర్పు కోడిగుడ్లపాడు ఎంపీటీసీగా తమ కుటుంబ సభ్యురాలు పువ్వాడి వెంకటలక్ష్మి ఏకగ్రీవంగా ఎన్నిక కావడం ఎంతో ఆనందదాయకమన్నారు. నూతనంగా ఏర్పడిన మార్కాపురం జిల్లాలోని కనిగిరి నియోజకవర్గం నుంచి ఎంపీపీ అభ్యర్థిగా పువ్వాడి వెంకటేశ్వర్లు ముందుకు రావడం శుభపరిణామమని పేర్కొన్నారు. ప్రజలకు అందుబాటులో ఉంటూ గ్రామాల అభివృద్ధికి కృషి చేయాలని ఆకాంక్షించారు.

కార్యక్రమంలో మిరియం సుబ్బరాయుడు, తిరివీధి చంద్ర, మాజీ సింగిల్ విండో డైరెక్టర్ దేవరకొండ చెన్నకేశవులు, మక్కా నాగరాజు, మానం కిరణ్, మానం వెంగళరావు, చెనికల మాలకొండయ్య, చెనికల రామయ్య, చెనికల శ్రీనివాసులు, మానం నాగేంద్ర, మానం వెంకట బాజీ, మానం కొండలరావు తదితరులు పాల్గొన్నారు.