ప్రజా సమస్యలను పరిష్కరించడమే నా లక్ష్యం. 6 నెలల లోపే సమస్యలన్నింటినీ పరిష్కరిస్తా... 39 వ డివిజన్ జనసేన కార్పొరేటర్ అభ్యర్థి పింకీ జైన్

తిరుపతి, మేజర్ న్యూస్ :
39వ డివిజన్ పరిధిలోని ప్రజా సమస్యలన్నిటిని పరిష్కరించడమే తన ధ్యేయమని 39వ డివిజన్ జనసేన పార్టీ కార్పొరేటర్ అభ్యర్థి పింకీ జైన్ చెప్పారు. గురువారం పింకీ జైన్ టిడిపి జనసేన బిజెపి నాయకులు కార్యకర్తలతో కలిసి ఆకుతోట వీధి పెంటవీధి తదితర ప్రాంతాలలో ఇంటింటికి వెళ్లి తనకు ఓట్లు వేసి గెలిపించాలని ఓటర్లను అభ్యర్థించారు.
ఈ సందర్భంగా ఆమె మీడియాతో మాట్లాడుతూ 39 వ డివిజన్ పరిధిలో ప్రజల సమస్యలను తన సమస్యలుగా భావించి తాను గెలిచిన వెంటనే ఆరు నెలల లోగా పరిష్కరించేందుకు అధికారులపై ఒత్తిడి తెస్తానని చెప్పారు. మీ ఇంటి ఆడపడుచు గా, మీ బిడ్డగా, సోదరిగా భావించి ఓట్లేసి గెలిపించాలని కోరారు. ఓటర్ మహాశయులు ఇప్పటికైనా ఆలోచించి మీ అందరికీ అందుబాటులో ఉండే పింకీ జైన్ కు ఓట్లేసి గెలిపించాలని మీకు జీవితాంతం రుణపడి ఉంటానని ఆమె పేర్కొన్నారు. కావున మీ అందరికీ అందుబాటులో ఉంటే తనకు ఓటు వేసి వేయించి గెలిపించగలరని అభ్యర్థించారు.
పింకీ జైన్ పట్ల ప్రజల్లో మంచి స్పందన ఉందని, ఆమెకు నిరాజనాలు పలికేందుకు ప్రజలంతా సిద్ధంగా ఉండాలని ఆకాంక్షించారు. ఈ ప్రచార కార్యక్రమంలో  జనసేన నేతలు దినేష్ జైన్, మధు బాబు, హేమాద్రి, రాము, కుమార్ జనసేన, టిడిపి, బిజెపి నాయకులు కార్యకర్తలు పాల్గొన్నారు.

Cell no 9705347341

Dwaraka, staff reporter