పేదింటి ఆడపడుచు పెళ్లికి సర్పంచ్ కానుక

  - రూ.5016 ఆర్థిక సహాయం*

*ఫరూక్‌నగర్, రంగారెడ్డి

 ఫరూక్‌నగర్ మండలం వెంకట్ రెడ్డి పల్లి గ్రామంలో గ్రామ సర్పంచ్ మానవత్వం చాటుకున్నారు .గ్రామంలోని పూసల తండాకు చెందిన  మేగ్యా నాయక్, జానకి దంపతుల కుమార్తె పద్మా వివాహానికి గ్రామ సర్పంచ్  రమేష్ నాయక్ హాజరై నూతన వధూవరులను ఆశీర్వదించారు. అనంతరం తన వంతుగా రూ.5016 నగదును ఆర్థిక సహాయంగా అందించారు. గత ఎన్నికల్లో ఇచ్చిన హామీ మేరకు గ్రామంలోని ఆడపడుచుల వివాహాలకు తన వంతు సహాయం అందిస్తున్నానని ఈ సందర్భంగా సర్పంచ్ తెలిపారు. గ్రామాన్ని అభివృద్ధి చేయడంతో పాటు శక్తి మేరకు నిరుపేదలకు చేతనందిస్తానని తెలిపారు అందరి సహకారంతో గ్రామాన్ని అన్ని రంగాల్లో అభివృద్ధి చేసి ఆదర్శ గ్రామంగా నిర్మిస్తామని తెలిపారు. నిరుపేద కుటుంబానికి సర్పంచ్ ఆర్థిక చేయూత పట్ల గ్రామస్తులు హర్షం వ్యక్తం చేస్తూ సర్పంచ్ మానవత వ్యక్తిత్వంపై అభినందనలు కురిపించారు. ఈ కార్యక్రమంలో ఉప సర్పంచ్, గ్రామ పెద్దలు, వార్డు సభ్యులు లింగం, మాజీ వార్డు సభ్యులు సత్యం, రాజు, VOA రాజు, వంశీ, మల్లేష్, నర్సింలు, రాజు, సూర్య, శ్రీను, స్వామి, నవీన్, వెంకట్, రాజేష్, ప్రభు, మురళీ, సోనూ, హతి తదితరులు పాల్గొన్నారు.

నరసింహారెడ్డి మెజార్ న్యూస్