షాద్‌నగర్ ప్రభుత్వ ఆసుపత్రి వర్కర్లకు దుస్తులు పంపిణీ చేసిన ఎమ్మెల్యే శంకర్
ఫరూక్ నగర్ రంగారెడ్డి
*షాద్‌నగర్:* దీపావళి పండుగను పురస్కరించుకుని షాద్‌నగర్ ప్రభుత్వ ఆసుపత్రిలో పనిచేస్తున్న వర్కర్లకు దీపావళి కానుకగా దుస్తులు పంపిణీ చేశారు. దాత కేకే కృష్ణ అందించిన దుస్తులను ఎమ్మెల్యే వీర్లపల్లి శంకర్, మున్సిపల్ చైర్మన్ అగ్గనూర్ బసవేశ్వర్ చేతుల మీదుగా అందజేశారు.
ఈ సందర్భంగా ఎమ్మెల్యే వీర్లపల్లి శంకర్ మాట్లాడుతూ.. పండుగలు ప్రతి ఒక్కరి జీవితంలో ఆనందాన్ని నింపాలని, ప్రజలకు సేవలందిస్తున్న ఆసుపత్రి కార్మికులకు దుస్తులు పంపిణీ చేయడం అభినందనీయమన్నారు. ప్రభుత్వ ఆసుపత్రుల్లో కార్మికుల సేవలు ఎంతో ముఖ్యమైనవని, వారిని గుర్తించి ప్రోత్సహించడం అందరి బాధ్యత అని పేర్కొన్నారు. సేవాభావంతో ముందుకు వచ్చిన దాత కేకే కృష్ణను అభినందించారు.దీపావళి కానుకలు అందుకున్న వర్కర్లు ఎమ్మెల్యేకు, దాతకు కృతజ్ఞతలు తెలిపారు.
ఈ కార్యక్రమంలో మార్కెట్ కమిటీ వైస్ చైర్మన్ బాబర్ అలీ ఖాన్, సింగల్ విండో చైర్మన్ శ్రీకాంత్ రెడ్డి, కౌన్సిలర్ సి. పెంటయ్య, మహిళా సంఘం అధ్యక్షురాలు అరుంధతి రెడ్డి, ఆసుపత్రి సూపరింటెండెంట్ విష్ణు వర్ధన్ రెడ్డి, మున్సిపల్ కో-ఆప్షన్ సభ్యుడు సయ్యద్ ఖదీర్, ముబారక్ అలీ ఖాన్, బాలరాజు గౌడ్, దామోదర రెడ్డి, గుట్ట రాజు, లింగారెడ్డి గూడ ఉప సర్పంచ్ అశోక్, మహబూబ్ తదితరులు పాల్గొన్నారు.
నరసింహారెడ్డి మేజర్ న్యూస్
