పత్తి పంటను పరిశీలించిన శాస్త్రవేత్తల బృందం :
పత్తి పంటను పరిశీలించిన శాస్త్రవేత్తల బృందం :
నాదెండ్ల మండలంలోని అప్పాపురం గ్రామంలో ఆర్నబ్ తూఫాన్ వల్ల జరిగిన నష్టాన్ని అంచనా వేయడానికి శాస్త్రవేత్తల బృందం పర్యటించింది. ఈ బృందంలో డా ఎన్. చాముండేశ్వరి,ప్రధాన శాస్త్రవేత్త (ప్రత్తి), డా ఎల్. రాజేష్ చౌదరి, శాస్త్రవేత్త (ఇంటిమలజీ ), డా సిహెచ్ నాగ జ్యోతి, శాస్త్రవేత్త (ఆగ్రోనమీ ) మండల వ్యవసాయ అధికారి తూబాటి శ్రీలతఉన్నారు.అయితే ఈ అర్ణబ్ తూఫాన్ యొక్క తీవ్రత పల్నాడు ప్రాంతాల్లో తక్కువగా ఉంది. 30-40 కి.మీ. వేగంతో గాలి వీచి 3-5 మి. మీ. వర్షపాతం మాత్రమే నమోదు కావడం వలన తూఫాన్ ప్రభావం అంతగా కనపడలేదు. కానీ ఎల్ నినో ప్రభావం వలన పత్తి పంట ఆశించిన స్థాయిలో పెరుగుదల లేదు. పత్తి లో గులాబీ రంగు పురుగు మరియు కాయకుళ్ళు తెగులు ఎక్కువగా ఉండడం గమనించి యాజమాన్య పద్ధతులను సూచించారు.
కాయ కుళ్ళు ని తగ్గించడానికి 3 గ్రా. కాపర్ ఆక్సీ క్లోరైడ్ (సిఓ సి) + 0.1 గ్రా. స్ట్రెప్ట్రె్టోసైక్లిన్ / లీ. మొక్కల
క్రింది భాగపు కొమ్మలు మరియు పచ్చటికాయలు తడిసేలా పిచికారీచేయాలి. గులాబీ రంగు పురుగు నివారణకు ఎకరానికి ప్రొఫెనోఫోస్ 50 ఈసీ 2 ఎంల్ లేదా తాయోడికార్డ్ 75 wc 1.5 గ్రాములు లేదా క్వినాల్ ఫాస్ 25 ఏసీ 2.5 ఎం ఎల్ లేదా క్లోరిపైరీఫాస్ 20 ఈసీ 2.5 ఎం ఎల్ ఒక లీటర్ నీటికి కలిపి పది రోజుల వ్యవధిలో రెండు లేక మూడు పర్యాయాలు మందులను మార్చి మార్చి పిచికారి చేసుకోవాలి. సింథటిక్ పైరుత్రాయిడ్స్ పంట 100 రోజులు దాటిన తర్వాత వాడుకోవచ్చు అని తెలియచేశారు. ఈ కార్యక్రమంలో రైతు భరోసా సిబ్బంది, రైతులు పాల్గొన్నారు.
