స్వతంత్ర అభ్యర్థికి భారీగా మహిళల మద్దతు... బీరువా గుర్తుకే జై కొడుతున్న మహిళా లోకం

నెల్లూరు రూరల్,  మేజర్ న్యూస్ :  నెల్లూరు నగర మేయర్ ఎన్నికల్లో స్వతంత్ర అభ్యర్థి ప్రచారం కాపాటిపాలెంలో హోరెత్తిస్తోంది. ఇతర పార్టీల అభ్యర్థులకు షాక్ ఇచ్చేలా స్వతంత్ర అభ్యర్థి విద్యావంతురాలు ఎన్. జయశ్రీకి మహిళల నుండి ఊహించని స్పందన లభిస్తోంది.  కాపాటిపాలెం ప్రాంతంలో నిర్వహించిన ఇంటింటి ప్రచారంలో వందలాది మంది మహిళలు స్వచ్ఛందంగా పాల్గొన్నారు. మా ఇంటి ఆడబిడ్డకు మేమున్నాం, అంటూ మహిళలు నినదించారు. పార్టీలకు అతీతంగా మహిళా అభ్యర్థిని గెలిపించుకోవాలనే సంకల్పంతో వారు ఏకమయ్యారు.  గతంలో ఎన్నడూ లేని విధంగా కాపాటిపాలెంలో మహిళలు భారీగా తరలివచ్చి బీరువా గుర్తుకు మద్దతు ప్రకటించడం ఇప్పుడు నెల్లూరు నగర రాజకీయాల్లో హాట్ టాపిక్ గా మారింది.  చదువుకున్న ఆడబిడ్డకు ఒక అవకాశం ఇవ్వాలి, మార్పు రావాలి, అంటూ మహిళలు స్పష్టం చేస్తున్నారు. కాపాటిపాలెంలో కనిపిస్తున్న ఈ మహిళా దండును చూస్తే.. నవంబర్ 1న జరిగే ఎన్నికల్లో బ్యాలెట్ నమూనా సంఖ్య 8లో బీరువా గుర్తుపై ఓటు వేసి సత్తా చాటడం ఖాయమని స్థానికులు అంటున్నారు.