గ్రామాలలో మొదలైన ఎన్నికల ప్రచారం..!

గ్రామాలలో మొదలైన ఎన్నికల ప్రచారం..!
- ఏకగ్రీవమైన టిడిపి అల్లూరు ఎంపీటీసీ స్థానం.
- ఎంపీపీ అభ్యర్థిగా మాధవరం సుశీలమ్మ ఎన్నికల ప్రచారం.
- జడ్పిటిసి కురువ వెంకటేశ్వర్లు గెలుపుకై ఎన్నికల ప్రచారం.
-ఎన్నికల ప్రచారంలో మండల టిడిపి కన్వీనర్ మాండ్ర సురేంద్ర నాథ్ రెడ్డి ..

నందికొట్కూరు రూరల్ మేజర్ న్యూస్ -:  నందికొట్కూరు మండల పరిధిలో లో పల్లె పోరు సందర్భంగా గ్రామాలలో ఎన్నికల సందడి మొదలైంది. ఎన్నికలలో పోటీ చేసే అభ్యర్థుల ప్రచార హోరు తో సందడి వాతావరణం నెలకొంది. నందికొట్కూరు మండలంలోని 11 ఎంపీటీసీ స్థానాలలో ఎమ్మెల్యే గిత్త జయసూర్య స్వగ్రామమైన అల్లూరు ఎంపీటీసీ స్థానం ఏకగ్రీవంగా టిడిపి దక్కించుకుంది. మండల ప్రజా పరిషత్ అధ్యక్ష స్థానం ఎస్సీ మహిళకు రిజర్వ్ కావడంతో మండలంలోని దామగట్ల ఎంపీటీసీ స్థానం నుండి మాజీ సర్పంచ్ మాధవరం సుశీలమ్మ పోటీలో నిలిచారు. మండల జడ్పిటిసి అభ్యర్థిగా అల్లూరు గ్రామానికి చెందిన మాజీ కెసి డిస్ట్రిబ్యూటరీ చైర్మన్,మండల జడ్పిటిసి గా కురువ వెంకటేశ్వర్లు పోటీలో నిలిచారు. టిడిపి అభ్యర్థులు గ్రామాలలో జోరుగా ఎన్నికల ప్రచారం నిర్వహిస్తున్నారు. పల్లె పోరులో టిడిపి జోరు కొనసాగుతుంది. బ్రాహ్మణ కొట్కూర్ 2 ఎంపీటీసీ స్థానాలను టిడిపి  కైవసం చేసుకునేందుకు నందికొట్కూర్ టిడిపి ఇన్చార్జ్ గౌరు వెంకటరెడ్డి,సింగిల్ విండో చైర్మన్ హరి సర్వోత్తమ రెడ్డి , మాజీ ఎంపిటిసి ఖాజా మొద్దీన్ , ఉదయ్ కిరణ్  రెడ్డి, తదితరులు పావులు కదుపుతున్నారు. దామగట్ల ఎంపీటీసీ ఎస్సీ స్థానం నుండి సుశీలమ్మ గెలుపుకై గ్రామ నాయకులు తిప్పారెడ్డి,తదితరులు ప్రచార హోరు కొనసాగిస్తున్నారు. 10 బొల్లవరం ఎస్సీ ఎంపీటీసీ స్థానం నుండి గెలుపు కోసం మార్కెట్ యార్డ్ చైర్మన్ వీరం ప్రసాద్ రెడ్డి ప్రచార హోరు కొనసాగిస్తున్నారు. గ్రామాలలో టిడిపి అభ్యర్థులను గెలిపించుకునేందుకు మండల టిడిపి కన్వీనర్ మాండ్ర సురేంద్రనాథ్ రెడ్డి గ్రామాలలో పర్యటిస్తూ నాయకులను కార్యకర్తలను టిడిపి అభ్యర్థుల గెలుపుకై ఐక్యంగా ముందుకు సాగుతున్నారు. ఈ కార్యక్రమంలో మాజీ సర్పంచులు రవి యాదవ్, ఎంపీటీసీ అభ్యర్థి మల్లికార్జునరెడ్డి, టిడిపి నాయకులు జంగాల మద్దిలేటి తదితరులు పాల్గొన్నారు.