మండల అభివృద్ధికి కృషి చేస్తా...బండి రమణమ్మ..!

మండల అభివృద్ధికి కృషి చేస్తా...బండి రమణమ్మ..!
- టిడిపి ఎంపీటీసీ అభ్యర్థులను గెలిపించండి
- ఎంపీటీసీ అభ్యర్థులు శ్రీనివాసులు ,పుల్యాల శాంతి

నందికొట్కూరు రూరల్ మేజర్ న్యూస్-: ప్రజలకు అందుబాటులో ఉంటూ మండల సమస్యల పరిష్కారానికి మరియు అభివృద్ధికి కృషి చేస్తానని టిడిపి జడ్పిటిసి అభ్యర్థి బండి రమణమ్మ తెలిపారు. మండల కేంద్రమైన పగిడ్యాల తో పాటు మండల పరిధిలోని నెహ్రూ నగర్, పాత ముచ్చుమర్రి,కొత్త ముచ్చుమర్రి, వనములపాడు ,సంకిరేణి పల్లె ,బీరవోలు, లక్ష్మాపురం, యం.గణపురం తూర్పు, పడమర ప్రాతకోట, ఎన్.గణపురం గ్రామాల ప్రజలు తనను ఆశీర్వదించి సైకిల్ గుర్తుకే ఓటు వేసి భారీ మెజార్టీతో గెలిపించాలని ప్రజలకు విజ్ఞప్తి చేశారు. మండలంలో నెలకొన్న సమస్యల కోసం జిల్లా పరిషత్ నిధులతో మండలాన్ని అన్ని రంగాల్లో అభివృద్ధి చేసేందుకు కృషి చేస్తానని హామీ ఇచ్చారు.పగిడ్యాల మండలంలోని ఎస్సీ కాలనీలో గురువారం పగిడ్యాల సింగిల్ విండో అధ్యక్షుడు బొగ్గుల దామోదర్ రెడ్డి , మండల కన్వీనర్ మహేశ్వరెడ్డి, టిడిపి నాయకులు పుల్యాల రాజశేఖరెడ్డి, పుల్యాల వాసురెడ్డి ఆధ్వర్యంలో పగిడ్యాల మండల టిడీపీ జెడ్పీటీసీ అభ్యర్థి బండి రమణమ్మ , ఎంపిటిసి అభ్యర్థులు శ్రీనివాసులు ,పుల్యాల శాంతి  పర్యటించారు. ఈ సందర్భంగా పగిడ్యాల సింగిల్ విండో అధ్యక్షుడు బొగ్గుల దామోదర్ రెడ్డి మాట్లాడుతూ కూటమి ప్రభుత్వం హయాంలో అభివృద్ధి కార్యక్రమాలు చేపట్టడం జరిగిందన్నారు.గ్రామంలో మండలంలో కోట్లాది రూపాయలు వెచ్చించి సీసీ రోడ్లు అభివృద్ధి కార్యక్రమాలు శ్రీకారం చుట్టడం
జరిగిందన్నారు. దీర్ఘకాల కింద సమస్యల పరిష్కారం కోసం ఎన్నికల్లో ఇచ్చిన వాగ్దానాలు అమలు కోసం నిరంతరం కృషి చేస్తుందనన్నారు కూటమి ప్రభుత్వ హయాంలో  అభివృద్ధికి కార్యక్రమాలు చేపట్టడం జరిగిందని అభివృద్ధిని చూసి టిడిపి జడ్పిటిసి అభ్యర్థి బండి రవణమ్మ ఎంపీటీసీలు శ్రీనివాసులు, పుల్యాల శాంతి లకు మీ అమూల్యమైన ఓటు వేసి గెలిపించాలని ఓటర్లను విజ్ఞప్తి చేశారు.ఈ కార్యక్రమంలో టిడిపి నాయకులు కార్యకర్తలు తదితరులు పాల్గొన్నారు.