మీ బిడ్డ గా ఒక్క అవకాశం ఇవ్వండి... 23 వ డివిజన్ కార్పొరేటర్ గా అమృత లక్ష్మిని గెలిపించండి

తిరుపతి, మేజర్ న్యూస్ :
మీ ఇంటి ఆడుపడుచు గా, ఒక బిడ్డగా 23వ డివిజన్ టిడిపి కార్పొరేటర్ గా ఒక అవకాశం ఇచ్చి గెలిపించండి.. మీకు జీవితాంతం రుణపడి ఉంటానని 23వ డివిజన్ టిడిపి కార్పొరేటర్ అభ్యర్థి మన్నూరు అమృతలక్ష్మి తెలిపారు. గురువారం ఆమె మీడియాతో మాట్లాడుతూ తమ కుటుంబం 40 దశాబ్దాలుగా తిరుపతి ప్రజలకు అందుబాటులో ఉండి ప్రజాసేవ చేస్తూ ప్రజల అవసరాలను తీరుస్తూ ప్రజల గుండెల్లో చిరస్థాయిగా నిలిచిపోయారన్నారు. తన తాత స్వర్గీయ మన్నూరు వెంకటరమణ  ఎమ్మెల్యేగా తుడా చైర్మన్ గా తిరుపతి వాసులకు ఎంతో సేవ చేశారని, అలాగే తన అవ్వ సుగుణమ్మ ఎమ్మెల్యేగా రెండు పర్యాయాలు తిరుపతి వాసులకు ఎన్నో అభివృద్ధి, సంక్షేమ కార్యక్రమాలు చేపట్టి ప్రజల మనసుల్లో ప్రత్యేక స్థానం సంపాదించుకున్నారు. తన తండ్రి మన్నూరు జయకుమార్ తిరుపతి కో-ఆపరేటివ్ బ్యాంకు డైరెక్టర్ గా 10 సంవత్సరాల పాటు బ్యాంకు కస్టమర్లకు సేవలందించి వారు ఆర్థికంగా అభివృద్ధి చెందేందుకు రుణాలను ఇప్పించి ఆదుకున్నారు. 
ఈ నేపథ్యంలో 23వ డివిజన్ కార్పొరేటర్ గా మన్నూరు కుటుంబానికి చెందిన కుమార్ కుమార్తె అమృతలక్ష్మి విద్యావంతురాలు కావడంతో కార్పొరేటర్ గా ఒక్క అవకాశం ఇచ్చి గెలిపిస్తే డివిజన్ ను ఆదర్శవంతమైన డివిజన్ గా తీర్చిదిద్దేందుకు ప్రత్యేక దృష్టి సారిస్తారు. ఇప్పటికే డివిజన్లోని అన్ని ప్రాంతాలను మూడు పర్యాయాలు కలిగి ఓటర్ల మదిలో అమృత లక్ష్మికి ఓట్లు వేసి గెలిపించాలని నిర్ణయించుకున్నారు. అమృత లక్ష్మి యువకురాలు కావడంతోపాటు స్వతహాగా డివిజన్ పరిధిలోని అన్ని ప్రాంతాలలో నివసిస్తున్న ప్రజలందరూ మన్నూరు కుటుంబానికి సుపరిచితులే. తన డివిజన్ ను అన్ని విధాలుగా అభివృద్ధి చేయడమే తన లక్ష్యమని, తనను గెలిపించిన వెంటనే ఆరు నెలలు లోగా సమస్యలన్నీ పరిష్కరించేందుకు శక్తివంతన లేకుండా కృషి చేస్తానని ఓటర్లకు హామీ ఇచ్చారు. అమృతలక్ష్మి తండ్రి మన్నూరు జయకుమార్ మాట్లాడుతూ తన బిడ్డకు ఒక్క అవకాశం ఇచ్చి కార్పొరేటర్ గా డివిజన్ ప్రజలకు సేవ చేసే భాగ్యం కల్పించాలని 
ఓటరులను కోరారు. నవంబర్ ఒకటో తేదీ జరగబోయే కార్పొరేషన్ ఎన్నికలలో 23 వ డివిజన్ టిడిపి కార్పొరేటర్ గా అమృత లక్ష్మి సీరియల్ నెంబర్ 1 పై ఓటేసి గెలిపించాలని జయకుమార్ కోరారు.

Dwaraka, staff reporter 

Cell no 9705347341