మీ బిడ్డగా ఆదరించి... గెలిపించండి 32వ డివిజన్ లోని సమస్యలన్నిటిని 6 నెలల్లోగా పరిష్కరిస్తాం... టిడిపి కార్పొరేటర్ అభ్యర్థి బట్టి వెంకట కీర్తి...

తిరుపతి, మేజర్ న్యూస్ :
32 వ డివిజన్ పరిధిలోని ఓటర్లు బట్టే వెంకట కీర్తి అనే తనను మీ బిడ్డగా మీ సోదరిగా మీ ఇంటి ఆడపడుచు గా భావించి ఓట్లు వేసి అత్యధిక మెజార్టీతో గెలిపించాలని ఆమె ఓటర్లను కోరారు. గురువారం తన అమ్మమ్మ మాజీ ఎమ్మెల్యే సుగుణమ్మ, బిజెపి నేత నవీన్ కుమార్ రెడ్డి టిడిపి జనసేన బిజెపి నాయకులు, కార్యకర్తలతో కలిసి గిరిపురం, ఎస్ డి లేఅవుట్  పరిసర ప్రాంతాలలో ఇంటింటా ప్రచారం చేశారు. మా తాత, అమ్మమ్మ లకు రాజకీయ భవిష్యత్తు నుంచి గుర్తింపును తీసుకొచ్చినది 32 వ డివిజన్ ప్రజలేనని గుర్తు చేశారు. నవంబర్ ఒకటో తేదీ జరగబోయే తిరుపతి కార్పొరేషన్ ఎన్నికలలో తనను 32వ డివిజన్ కార్పొరేటర్ గా మీరంతా ఆలోచించి తనకు ఓట్లు వేసి గెలిపించాలని కోరారు. తనను గెలిపించిన వెంటనే డివిజన్లోని సమస్యలన్నిటిని ఆరు నెలల లోపు పరిష్కరించే దిశగా అధికారులపై ఒత్తిడి తీసుకొస్తామని చెప్పారు.
అనంతరం మాజీ ఎమ్మెల్యే సుగుణమ్మ మాట్లాడుతూ తన పట్ల చూపిన ఆదరాభిమానాలను తన మనవరాలు బట్టే వెంకట కీర్తిపై చూపించి కార్పొరేటర్ గా గెలిపించాలని వారు కోరారు. మీ సమస్యలన్నింటినీ పరిష్కరించేందుకు తమ కుటుంబం ఎప్పుడూ ముందుంటుందన్నారు.
ప్రతి ఇంటికి వెళ్లి ఓటర్లను ఆత్మీయంగా కలిసి సీరియల్ నెంబర్ 1 సైకిల్ గుర్తుకు ఓటు వేసి భారీ మెజార్టీతో గెలిపించాలని కోరారు . ఈ ప్రచార కార్యక్రమంలో టిడిపి, జనసేన, బిజెపి  పార్టీ నాయకులు,  కార్యకర్తలు,  ప్రచారం నిర్వహించారు.

H. Dwaraka, staff reporter 

Cell no 9705347341