బోరు బావుల ఆక్రమణతో నీటి ఇబ్బందులు చేతిపంపులకు మరమ్మతులు చేపట్టాలి. :

సూర్య పెంబి మండలం. : పెంబి మండలంలోని పలు గ్రామాల్లో చేతిపంపులు మరమ్మతులకు నోచుకోకపోవడం, ప్రభుత్వ బోరుబావులను కొందరు ఆక్రమించి విద్యుత్ మోటార్లు ఏర్పాటు చేసుకోవడంతో ప్రజలు తాగునీటి ఇబ్బందులు ఎదుర్కొంటున్నారు. పెంబి గ్రామంలోని ఒకటి, రెండు వార్డుల్లో ప్రజలందరి కోసం ఏర్పాటు చేసిన బోరుబావులను కొందరు స్వార్థ ప్రయోజనాల కోసం వినియోగించుకుంటుండటంతో ఇతర కుటుంబాలకు నీరు అందడం లేదని గ్రామస్థులు ఆరోపిస్తున్నారు. పశువులకు సైతం నీరు దొరకడం లేదని ఆవేదన వ్యక్తం చేస్తున్నారు.

చేతిపంపులకు మరమ్మతులు చేయాలి: ఐదు వెంకటేష్

మండలంలోని పాడైన చేతిపంపులకు తక్షణమే మరమ్మతులు చేపట్టాలని, ఆక్రమణకు గురైన బోరుబావులను ప్రజలందరికీ అందుబాటులోకి తీసుకురావాలని పెంబి గ్రామస్థుడు ఐదు వెంకటేష్ కోరారు. అధికారులు స్పందించి నీటి సమస్యను పరిష్కరించాలని విజ్ఞప్తి చేశారు.