నర్సాపూర్‌లో విద్యార్థులతో ముఖాముఖిలో మెదక్ ఎంపీ రఘునందన్‌రావు
నర్సాపూర్;దేశంలో కొనసాగుతున్న సర్‌ (ప్రత్యేక ఓటరు జాబితా సవరణ) కార్యక్రమంపై ప్రతిపక్షాలు అనవసర రాద్ధాంతం చేస్తున్నాయని మెదక్ ఎంపీ రఘునందన్‌రావు అన్నారు. నర్సాపూర్‌లో గురువారం నాడు విద్యార్థులతో నిర్వహించిన ముఖాముఖి కార్యక్రమంలో ఆయన మాట్లాడుతూ.. ప్రధాని నరేంద్ర మోదీ నాయకత్వంలోని బీజేపీ మరోసారి అధికారంలోకి రాకూడదనే ఉద్దేశంతోనే ప్రతిపక్షాలు ఆందోళనలు చేస్తున్నాయని ఆరోపించారు. సర్‌ కార్యక్రమంపై ప్రతి ఒక్కరూ అవగాహన పెంచుకోవాలని, ఈ ప్రక్రియ వల్ల ఏ పౌరుడి ఓటు కూడా తొలగిపోదని విద్యార్థులకు వివరించారు. ప్రభుత్వ ఆసుపత్రిలో దంత వైద్య విభాగం ప్రారంభం ఎంపీ నిధుల నుంచి రూ.3 లక్షలతో యంత్రాల ఏర్పాటు చేశారుగ్రామీణ ప్రాంత ప్రజలకు మెరుగైన దంత వైద్య సేవలు అందించాలనే లక్ష్యంతో నర్సాపూర్ ప్రభుత్వ ఏరియా ఆసుపత్రిలో నూతనంగా ఏర్పాటు చేసిన దంత వైద్య విభాగాన్ని మెదక్ ఎంపీ రఘునందన్‌రావు ప్రారంభించారు. తన ఎంపీ నిధుల నుంచి రూ.3 లక్షలు వెచ్చించి అధునాతన దంత వైద్య యంత్రాలను ఏర్పాటు చేసినట్లు తెలిపారు. ఈ విభాగం అందుబాటులోకి రావడంతో దంత సమస్యలతో బాధపడుతున్న ప్రజలకు ప్రభుత్వ ఆసుపత్రిలోనే వైద్య సేవలు పొందే అవకాశం కలుగుతుందన్నారు. దంత సమస్యలను నిర్లక్ష్యం చేయకుండా వైద్యులను సంప్రదించాలని, ఆసుపత్రిలో అందుబాటులో ఉన్న సేవలను ప్రజలు సద్వినియోగం చేసుకోవాలని ఎంపీ సూచించారు. ఈ కార్యక్రమంలో బిజెపి జిల్లా అధ్యక్షుడు రాధా మల్లేష్ గౌడ్, మున్సిపల్ వైస్ చైర్మన్ బుచ్చేష్ యాదవ్, బిజెపి నాయకులు, పెద్ద రమేష్ గౌడ్, సంఘసాని సురేష్, అంజా గౌడ్, చిన్న రమేష్ గౌడ్, నాగేష్, ప్రేమ్ కుమార్, నాగ ప్రభువు గౌడ్, ఉదయ్ కుమార్ గౌడ్, నిరంజన్ గౌడ్ తదితరులు పాల్గొన్నారు.
