విద్యార్థులకు నాణ్యమైన భోజనం అందించాలి
కమలాపూర్ , మేజర్ న్యూస్, హనుమకొండ జిల్లా కమలాపూర్ మండల కేంద్రంలోని మహాత్మ జ్యోతిబాపూలే బాలికల గురుకుల పాఠశాల, జూనియర్ కళాశాలను హనుమకొండ జిల్లా కలెక్టర్ చాహత్ బాజ్ పాయి అకస్మిక తనిఖీ చేశారు. వంటగదిలో ని మధ్యాహ్నం భోజనానికి తయారు చేసిన వంటలను, భోజన పదార్థాల నాణ్యతను పరిశీలించారు. బియ్యం, కూరగాయలు ఇతర నిత్యవసరాల నాణ్యతను తనిఖీ చేశారు. విద్యార్థులు డార్మెటరీ గదులను, మూత్రశాలలను పరిశీలించారు. విద్యార్థునులకు అందుబాటులో ఉన్న పుస్తకాలను పరిశీలించి వాటి వివరాలను ప్రిన్సిపల్ ను అడిగి తెలుసుకున్నారు. ఈ సందర్భంగా కలెక్టర్ చాహత్ బాజ్ పాయి మాట్లాడుతూ హాస్టల్ లో పరిశుభ్రతను తప్పనిసరిగా పాటించాలన్నారు. వంటగది, భోజనశాల, డార్మెటరీ, మూత్రశాలల నిర్వహణ మెరుగ్గా ఉండాలని, పరిశుభ్రత ఉండేలా ఎప్పటికప్పుడు చర్యలు చేపట్టాలన్నారు. దోమలు రాకుండా డోర్లకు మెష్ లు ఏర్పాటు చేయాలని సూచించారు.
రిపోర్టర్; పవన్, కమలాపూర్, హనుమకొండ జిల్లా
