ఉమ్మడి చిత్తూరు జిల్లా కరాటే ఎంపిక పోటీలు

ఎడ్యుకేషన్ స్టాఫ్ రిపోర్టర్ ; ఉమ్మడి చిత్తూరు జిల్లాలో భాగంగా చిత్తూరు జిల్లా స్కూల్ గేమ్స్ ఫెడరేషన్ ఆధ్వర్యంలో అండర్-14 బాలబాలికల కరాటే ఎంపిక పోటీలు శుక్రవారం శ్రీనివాస స్పోర్ట్స్ కాంప్లెక్స్ లో ఘనంగా నిర్వహించారు. ఈ పోటీలకు ముఖ్య అతిథిగా జిల్లా క్రీడా శాఖ అభివృద్ధి అధికారి ఎన్.శశిధర్ హాజరై క్రీడాకారులకు స్ఫూర్తినిచ్చారు. జిల్లా నలుమూలల నుండి 400 మంది క్రీడాకారులు పాల్గొని తమ ప్రతిభను ప్రదర్శించారు.

21 మంది రాష్ట్రస్థాయికి ఎంపిక

ఈ పోటీల్లో ప్రతిభ కనబరిచిన వారిలో బాలికలు 10 మంది, బాలురు 11 మంది చొప్పున మొత్తం 21 మందిని ఎంపిక చేసినట్లు నిర్వాహకులు తెలిపారు. ఎంపికైన వారు త్వరలో జరగనున్న ఎస్ ఎఫ్ జి రాష్ట్రస్థాయి కరాటే పోటీలకు చిత్తూరు జిల్లా తరఫున ప్రాతినిధ్యం వహిస్తారని అండర్-19 సెక్రెటరీ లోకనాథం, అండర్-14, 17 సెక్రటరీలు సాంబశివరావు, అమ్ములు తెలియజేశారు.ఎంపిక కమిటీ సభ్యులుగా ఇస్మాయిల్, రత్నాకర్, నవీన్, కన్నయ్య, వెంకటేశ్వర్లు, కుమార్, భువనేశ్వర్, ఖాదర్ బాషా, సదాశివ వ్యవహరించారు. చిన్న వయసులోనే కరాటేలో రాణిస్తున్న ఈ చిన్నారులకు జిల్లా క్రీడాభిమానులు అభినందనలు తెలిపారు

సీఎం గౌడ్ తిరుపతి స్టాప్ రిపోర్టర్