కాంగ్రెస్ లో మేడ విద్యాసాగర్ కు కీలక బాధ్యతలు
దేవరుప్పుల, మేజర్ న్యూస్, కాంగ్రెస్ పార్టీ దేవరుప్పుల మండల ప్రధాన కార్యదర్శిగా నీర్మాల గ్రామానికి చెందిన మేడ విద్యాసాగర్ నియమితులయ్యారు. తనకు కీలక బాధ్యతలు అప్పగించిన పాలకుర్తి ఎమ్మెల్యే మామిడాల యశస్విని రెడ్డి, తెలంగాణ ప్రదేశ్ కాంగ్రెస్ కమిటీ ఉపాధ్యక్షురాలు హనుమాండ్ల ఝాన్సీ రెడ్డికి ఆయన ప్రత్యేక కృతజ్ఞతలు తెలిపారు. ఈ సందర్భంగా మేడ విద్యాసాగర్ మాట్లాడుతూ, పార్టీ తనపై ఉంచిన నమ్మకాన్ని నిలబెట్టుకుంటూ అప్పగించిన బాధ్యతలను సమర్థవంతంగా నిర్వర్తిస్తానని పేర్కొన్నారు. దేవరుప్పుల మండలంలో కాంగ్రెస్ పార్టీని క్షేత్రస్థాయిలో మరింత బలోపేతం చేసేందుకు నాయకులు, కార్యకర్తలను సమన్వయం చేసుకుంటూ ముందుకు సాగుతానని తెలిపారు. కాంగ్రెస్ పార్టీ ఆశయాలు, రాష్ట్ర ప్రభుత్వం అమలు చేస్తున్న సంక్షేమ పథకాలను ప్రజల్లోకి విస్తృతంగా తీసుకెళ్లడంతో పాటు, ప్రజలకు అందుబాటులో ఉంటూ వారి సమస్యల పరిష్కారానికి కృషి చేస్తానని స్పష్టం చేశారు. పార్టీ అభివృద్ధి కోసం అంకితభావంతో పనిచేస్తూ, ప్రజలకు సేవ చేయడమే తన ప్రధాన లక్ష్యమని మేడ విద్యాసాగర్ వెల్లడించారు.
రిపోర్టర్; ఎల్లేష్ ,జనగామ జిల్లా
