పోక్సో చట్టంపై న్యాయ అవగాహన పోస్టర్ ఆవిష్కరణ

సూర్య జగిత్యాల అర్బన్:జగిత్యాల జిల్లా న్యాయ  సేవాధికార సంస్థ  కార్యదర్శి సరిత మట్టా  జగిత్యాలలోని కస్తూర్బా గాంధీ బాలికల విద్యాలయంలో విద్యార్థినులకు పోక్సో  చట్టంపై న్యాయ అవగాహన కార్యక్రమాన్ని నిర్వహించారు. ఈ సందర్భంగా పోక్సో చట్టంపై రూపొందించిన అవగాహన పోస్టర్‌ను ఆవిష్కరించారు. ఈ కార్యక్రమంలో కార్యదర్శి మాట్లాడుతూ, పోక్సో చట్టం అనేది 18 సంవత్సరాల లోపు పిల్లలను లైంగిక వేధింపులు, లైంగిక దాడులు  అశ్లీల కార్యకలాపాల నుంచి రక్షించడానికి రూపొందించిన ప్రత్యేక చట్టమని వివరించారు. ఈ కార్యక్రమంలో జిల్లా బాలల సంరక్షణ అధికారి  సురేష్, పాఠశాల ప్రిన్సిపాల్  ఉపాధ్యాయులు పాల్గొన్నారు.