ప్రశాంత ఎన్నికలకు సహకరించాలి

కలచట్లలో పోలీసుల అవగాహన సభ

ప్యాపిలి, సూర్య ప్రతినిధి మేజర్ న్యూస్: రాబోయే స్థానిక సర్పంచ్‌ ఎన్నికలను ప్రశాంత వాతావరణంలో నిర్వహించేందుకు గ్రామస్థులందరూ సహకరించాలని ప్యాపిలి ఎస్‌ఐ నాగార్జున కోరారు. ఉన్నతాధికారుల ఆదేశాల మేరకు గురువారం మండలంలోని కలచట్ల గ్రామంలో పోలీసు సిబ్బందితో కలిసి ఆయన ప్రజలకు అవగాహన కార్యక్రమం నిర్వహించారు.ఈ సందర్భంగా ఎస్‌ఐ మాట్లాడుతూ.. ఎన్నికల సమయంలో గ్రామంలో శాంతిభద్రతలకు విఘాతం కలిగించేలా ఎవరైనా ప్రవర్తిస్తే ఊరుకునేది లేదన్నారు. ఎలాంటి గొడవలు, ఘర్షణలకు తావివ్వకుండా ప్రతి ఒక్కరూ సంయమనం పాటించాలని సూచించారు. నిబంధనలను ఉల్లంఘించి అశాంతిని సృష్టించే వారిపై చట్టప్రకారం కఠిన చర్యలు తీసుకుంటామని హెచ్చరించారు. గ్రామంలో ప్రశాంత వాతావరణంలో ఎన్నికలు పూర్తయ్యేలా పోలీసులకు పూర్తిస్థాయిలో సహకరించాలని విజ్ఞప్తి చేశారు.

సూర్య ప్రతినిధి సుధాకర్ రెడ్డి  నంద్యాల జిల్లా ప్యాపిలి మండలం