ఎన్నికల విధుల్లో ఉన్న ఉద్యోగులకు పోస్టల్ బ్యాలెట్ సదుపాయం

లక్కవరపుకోట, సూర్య : స్థానిక సంస్థల ఎన్నికల విధుల్లో ఉన్న ఉద్యోగులు తమ ఓటు హక్కును వినియోగించుకునేందుకు శుక్రవారం ఎంపీడీఓ కార్యాలయంలో పోస్టల్ బ్యాలెట్ ఫెసిలిటేషన్ సెంటర్ ఏర్పాటు చేసినట్లు రిటర్నింగ్ అధికారి భానులత తెలిపారు.గురువారం ఆమె విలేకరుల తో మాట్లాడుతూ ఎన్నికల విధుల్లో ఉన్న ఉద్యోగులు శుక్రవారం ఉదయం 9 గంటల నుంచి సాయంత్రం 5 గంటల లోపు ఫెసిలిటేషన్ సెంటర్‌కు వచ్చి తమ ఓటు హక్కును వినియోగించుకోవాలని సూచించారు. పోస్టల్ బ్యాలెట్ ద్వారా ఒకసారి ఓటు వేసిన వారు తిరిగి తమ స్వగ్రామాల్లో ఓటు వేయాల్సిన అవసరం లేదని, ఒకసారి ఓటు హక్కును వినియోగించుకున్న తర్వాత మరోచోట ఓటు వేయడానికి అవకాశం ఉండదని ఆర్‌ఓ భానులత స్పష్టం చేశారు. ఎన్నికల విధుల్లో ఉన్న ఉద్యోగులందరూ ఈ సదుపాయాన్ని సద్వినియోగం చేసుకోవాలని కోరారు. ఈ కార్యక్రమం లో ఎంపీడీఓ అల్లు భాస్కర్ రావుm తహసీల్దార్ పి హరి పాల్గొన్నారు.