నూతన అయ్యప్ప సన్నిధానంలో ప్రత్యేక పూజలు నిర్వహించిన ఎమ్మెల్యే
నారాయణఖేడ్ ; నారాయణఖేడ్ పట్టణ పరిధిలోని పంచగామ కమాన్ సమీపంలో అయ్యప్ప భక్తులు, మాలాధారణ స్వాములు నూతనంగా కొలువుదీర్చిన శ్రీ అయ్యప్ప స్వామి సన్నిధానంలో బుధవారం శాసనసభ్యులు డాక్టర్ పట్లోళ్ల సంజీవరెడ్డి ప్రత్యేక పూజలు చేశారు.
స్వాముల ఆహ్వానం మేరకు అక్కడికి విచ్చేసిన ఎమ్మెల్యే స్వామివారికి నైవేద్యం సమర్పించి, హారతి అందుకున్నారు. అనంతరం సన్నిధాన నిర్వాహకులు ఎమ్మెల్యే సంజీవరెడ్డి ని శాలువాతో సత్కరించి స్వామివారి తీర్థప్రసాదాలను అందజేశారు. ఈ సందర్భంగా డాక్టర్ సంజీవరెడ్డి మాట్లాడుతూ.. ఆధ్యాత్మిక చింతనతో సమాజంలో శాంతి, సౌభ్రాతృత్వాలు వెల్లివిరుస్తాయని పేర్కొన్నారు. నియోజకవర్గం అన్ని రంగాల్లో అభివృద్ధి చెందాలని, పాడిపంటలతో ప్రజలు సుభిక్షంగా ఉండాలని స్వామివారిని ప్రార్థించినట్లు తెలిపారు. ఈ కార్యక్రమంలో గురురాజా శర్మ ఆలయ నిర్వాహకులు, వినోద్ పాటిల్ ఆత్మ కమిటీ చైర్మన్, రమేష్ చౌహన్, పండరి రెడ్డి మున్సిపల్ కాంగ్రెస్ పార్టీ అధ్యక్షుడు, సత్యం సెట్, అయ్యప్ప స్వాములు, పార్టీ ముఖ్య నాయకులు, కార్యకర్తలు మరియు స్థానిక భక్తులు పెద్ద సంఖ్యలో పాల్గొన్నారు.