కీసర డివిజన్ బీజేపీ ప్రధాన కార్యదర్శిగా కొమ్ము చిరంజీవి
కీసర,మేజర్ న్యూస్: కీసర డివిజన్లో భారతీయ జనతా పార్టీని మరింత బలోపేతం చేయడంతో పాటు ప్రజా సమస్యల పరిష్కారానికి కృషి చేసే దిశగా పార్టీ నాయకత్వం కీలక నియామకం చేపట్టింది. మేడ్చల్ రూరల్ జిల్లా బీజేపీ అధ్యక్షుడు బుద్ధి శ్రీనివాస్ ఆదేశాల మేరకు యాద్గార్పల్లి గ్రామానికి చెందిన ఉన్నత విద్యావంతుడు కొమ్ము చిరంజీవిని కీసర డివిజన్ పార్టీ ప్రధాన కార్యదర్శిగా నియమించారు. ఈ మేరకు డివిజన్ అధ్యక్షుడు కోల బాల్రాజ్ యాదవ్ నియామకం చేపట్టారు.ఈ సందర్భంగా కొమ్ము చిరంజీవి మాట్లాడుతూ.. తనపై నమ్మకంతో డివిజన్ ప్రధాన కార్యదర్శి బాధ్యతలు అప్పగించిన జిల్లా, డివిజన్ పార్టీ నాయకత్వానికి కృతజ్ఞతలు తెలిపారు. పార్టీ సిద్ధాంతాలకు అనుగుణంగా పనిచేస్తూ నిత్యం ప్రజలకు అందుబాటులో ఉంటానన్నారు. ప్రజా సమస్యల పరిష్కారం కోసం పోరాడటంతో పాటు కేంద్ర ప్రభుత్వ సంక్షేమ పథకాలను ప్రజలకు చేరవేస్తానని పేర్కొన్నారు. పార్టీ నాయకులు, కార్యకర్తలను సమన్వయం చేసుకుంటూ కీసర డివిజన్లో బీజేపీ బలోపేతానికి తనవంతు కృషి చేస్తానని స్పష్టం చేశారు.