ఆధ్యాత్మిక శోభను సంతరించుకున్న సాంబన్నవలస
- శ్రీఅభయాంజనేయస్వామి ఆలయ నిర్మాణానికి భూమి పూజ
- శాస్త్రోక్తంగా శంకుస్థాపన చేసిన బొత్స రామకృష్ణ,భూదేవి దంపతులు
గరుగుబిల్లి, సూర్య: గరుగుబిల్లి మండలం మరుపెంట పంచాయతీ పరిధిలోని సాంబన్నవలస గ్రామంలో ఆధ్యాత్మిక వాతావరణం వెల్లివిరిసింది.గ్రామస్థుల చిరకాల కోరికైన శ్రీఅభయాంజనేయ స్వామి వారి నూతన ఆలయ నిర్మాణ పనులకు అత్యంత వైభవంగా భూమి పూజ నిర్వహించారు.తెలుగుదేశం పార్టీ నాయకులు బొత్స రామకృష్ణ, సర్పంచ్ అభ్యర్థి బొత్స భూదేవి దంపతులు ఈకార్యక్రమంలో ముఖ్య అతిథులుగా పాల్గొని,వేద పండితుల మంత్రోచ్ఛారణల మధ్య శాస్త్రోక్తంగా భూమి పూజ చేసి ఆలయ నిర్మాణానికి శంకుస్థాపన చేశారు.ఈసందర్భంగా తెలుగుదేశం పార్టీ నాయకులు బొత్స రామకృష్ణ, మరుపెంట గ్రామ పంచా యతీ సర్పంచ్ అభ్యర్థి బొత్స భూదేవి మాట్లాడుతూ గ్రామంలో ఆధ్యాత్మిక వాతావరణం వెల్లివిరియాలని,శ్రీ అభయాంజనేయస్వామి కృపతో గ్రామస్తులందరూ సుఖసంతోషాలతో ఉండాలని ఆకాంక్షించారు.గ్రామంలో శ్రీఅభయాంజనేయస్వామి ఆలయ నిర్మాణం చేపట్టడం జరుగుతుందని తెలుగుదేశం పార్టీ నాయకులు బొత్స రామకృష్ణ, భూదేవి దంపతులు పేర్కొ న్నారు.అదే విధంగా సాంబన్నవలస గ్రామ అభివృద్ధికి తమ వంతు పూర్తి సహాయ సహకారాలు అందిస్తామని వెల్లడించారు.గ్రామంలో ఆలయ నిర్మా ణం జరగడం ఎంతో శుభపరిణామ మని, ఆఅభయాంజనేయ స్వామి ఆశీస్సులతో గ్రామం సుభిక్షంగా ఉండా లని ఆకాంక్షించారు.శ్రీఅభయాంజ నేయస్వామి ఆలయ నిర్మాణ శంకు స్థాపన కార్యక్రమంలో గ్రామ పెద్దలు, తెలుగుదేశం పార్టీ నాయకులు, కార్యకర్తలు మరియు అధిక సంఖ్యలో మహిళలు, భక్తులు పాల్గొని ప్రత్యేక పూజలు నిర్వహించారు.