కడెం కెనాల్ నుంచి చివరి ఆయకట్టు వరకు సాగునీరు అందించాలని బీఆర్ఎస్ రాస్తారోకో

సూర్య, జన్నారం : కడెం కెనాల్ చివరి ఆయకట్టు వరకు సాగునీరు విడుదల చేయాలని డిమాండ్ చేస్తూ రైతుల పక్షాన బీఆర్ఎస్ పార్టీ ఆధ్వర్యంలో శుక్రవారం జన్నారం మండల కేంద్రంలో రాస్తారోకో చేపట్టారు. ఇరువైపులా అన్ని రకాల వాహనాలు ఎక్కడికక్కడ నిలిచిపోవడంతో సమాచారం అందుకున్న స్థానిక ఎస్సై ఉదయ్ కిరణ్ తన సిబ్బందితో అక్కడికి చేరుకొని రాస్తారోకోను విరమింపజేశారు. ఈ సందర్భంగా బీఆర్ఎస్ పార్టీ అధ్యక్షులు గుర్రం రాజారాం రెడ్డి మాట్లాడుతూ ఖానాపూర్ నియోజకవర్గం పార్టీ ఇంచార్జి భుక్య జాన్సన్ నాయక్ ఆదేశాల మేరకు రైతుల పక్షాన ఈ రాస్తారోకో కార్యక్రమాన్ని చేపట్టడం జరిగిందని అన్నారు. కడెం కెనాల్ నుంచి తక్షణమే నీటిని విడుదల చేసి చివరి ఆయకట్టు వరకు ప్రతి రైతు పొలానికి సాగునీరు అందించాలని డిమాండ్ చేశారు. డిసెంబర్ నెల వరకు పంటలకు నిరంతరాయంగా నీరు అందించి రైతులు ఎంతో కష్టపడి సాగు చేసిన పంటలను కాపాడాలని, రైతులకు నష్టం కలగకుండా చూడాలని కోరారు. అనంతరం రైతు సమస్యలను పరిష్కరించాలని కోరుతూ జన్నారం ఎమ్మార్వో బక్కయ్యకు వినతిపత్రం అందజేశారు. ఈ కార్యక్రమంలో బీఆర్ఎస్ మండల యూత్ అధ్యక్షులు పేరం శ్రీనివాస్, ఫజల్ ఖాన్, సుల్వ జనార్ధన్, సుతారి వినయ్ కుమార్, సిటిమల భరత్ కుమార్, బాణావత్ రాములు నాయక్, జాడి గంగాధర్, కళ్లెం శ్రీనివాస్ రెడ్డి, సందీప్ రావు, కనుగంటి దేవయ్య, బాలసాని శ్రీనివాస్ గౌడ్, ఇప్ప రాకేష్, బాదావత్ సాయికిరణ్ తదితరులు పాల్గొన్నారు.