ఎస్ఎంజి ఆవరణలో దీపావళి దుకాణాలు - ప్రత్యేక చర్యలు డిఎస్పి
గూడూరు, మేజర్‌న్యూస్‌ : దీపావళి సందర్భంగా పట్టణంలో బాణా సంచా దుకాణాల వద్ద అన్ని భద్రతా చర్యలు తీసుకుంటున్నట్లు డిఎస్పి నరసింహమూర్తి తెలిపారు. శుక్రవారం పోలీసు అధికారులు ఎస్ఎంజి పాఠశాలలో బాణా సంచా దుకాణాలు ఏర్పాటుపై పరిశీలించారు. ఈనెల 8న జరగనున్న దీపావళి పండుగ సందర్భంగా పట్టణంలో టపాకాయల దుకాణాలు ఏర్పాటు చేసుకొనేవారు తప్పనిసరిగా లైసెన్స్ కలిగి ఉండాలని, నిబంధనలు పాటించాలని డిఎస్పి నరసింహమూర్తి సూచించారు. గూడూరు పట్టణంలోని ఐసిఎస్ రోడ్డు ఎస్ఎంజి పాఠశాల ప్రాంగణంలో ఏర్పాటు చేస్తున్న టపాకాయల దుకాణాలను డిఎస్పి పరిశీలించారు. వ్యాపారస్తులకు జాగ్రత్తలపై పలు సూచనలు తెలియజేశారు. ఈ సందర్భంగా డిఎస్పి మాట్లాడుతూ దీపావళి సందర్భంగా ఎస్ఎంజి స్కూల్ గ్రౌండ్ లో టపాకాయల దుకాణాలకు అనుమతి ఇవ్వడం జరిగిందని, దుకాణాలు ఏర్పాటు చేసే వారు తప్పనిసరిగా లైసెన్స్ కలిగి ఉండాలన్నారు. దుకాణాల వద్ద తగిన జాగ్రత్తలు తీసుకోవాలని నీటితో పాటు ఇసుక అందుబాటులో ఉంచుకోవాలని వెల్లడించారు. ఈ కార్యక్రమంలో పట్టణ మరియు రూరల్ సిఐలు శ్రీనివాస్,వెంకటరావు ఎస్సైలు, సిబ్బంది పాల్గొన్నారు.
