కోటబొమ్మాళి వసతి గృహాన్ని ఆకస్మిక తనిఖీ చేసిన జూనియర్ సివిల్ జడ్జి

​కోటబొమ్మాళి, సూర్య : కోటబొమ్మాళిలోని బాలబాలికల వసతి గృహాన్ని ఫుల్ అడిషనల్ చార్జ్ జూనియర్ సివిల్ జడ్జి కుమారి ఎం. రోషిణి శుక్రవారం ఆకస్మికంగా తనిఖీ చేశారు. ఈ సందర్భంగా వసతి గృహంలో అందుతున్న సౌకర్యాలు, పౌష్టికాహార పంపిణీ తీరుపై ఆమె స్వయంగా విద్యార్థులతో మాట్లాడి వివరాలు అడిగి తెలుసుకున్నారు.​అనంతరం జడ్జి  పిల్లలకు చట్టాలపై ప్రాథమిక అవగాహన కలిగి ఉండాలని సూచించారు. ప్రస్తుత కాలంలో సోషల్ మీడియా వినియోగం, దాని వల్ల కలిగే ప్రయోజనాలు మరియు ఎదురయ్యే ముప్పుల పట్ల జాగ్రత్తగా ఉండాలని అవగాహన కల్పించారు. విద్యార్థులకు ఏవైనా సమస్యలు లేదా అత్యవసర సహాయం కావలసి వస్తే వినియోగించుకోవడానికి న్యాయసేవాధికార సంస్థ టోల్ ఫ్రీ నంబర్లను తెలియజేస్తూ, ఎల్లప్పుడూ అవసరమైన సహాయం అందిస్తామని హామీ ఇచ్చారు. ​వసతి గృహంలో ఇంకా ఏవైనా మౌలిక వసతులు కల్పించాల్సి ఉందా అని అక్కడి వార్డెన్‌ను అడిగి తెలుసుకున్నారు. ఈ కార్యక్రమంలో కోటబొమ్మాళి న్యాయవాదుల సంఘం అధ్యక్షులు శ్రీనివాసరావు ఇతర న్యాయవాదులు, ప్రభుత్వ బాలికల ఉన్నత పాఠశాల ప్రధానోపాధ్యాయురాలు సిహెచ్. రమాదేవి తదితరులు పాల్గొన్నారు.