మోహన్ బాబు వర్సిటీలో రొమ్ము క్యాన్సర్ అవగాహన సదస్సు విజయవంతం
తిరుపతి రెవెన్యూ మేజర్ న్యూస్
మోహన్ బాబు వర్సిటీలో రొమ్ము క్యాన్సర్ అవగాహన సదస్సు విజయవంతం
మోహన్ బాబు విశ్వవిద్యాలయంలో "ఎర్లీ డిటెక్షన్, ఇన్నోవేటివ్ డయాగ్నాస్టిక్, ఉమెన్స్ ఎంపావర్మెంట్" అంశంపై మూడు రోజుల ప్రత్యేక అవగాహన కార్యక్రమం ముగిసింది. ఎంబీ స్కూల్ ఆఫ్ ఫార్మాస్యూటికల్ సైన్సెస్ లోని, ప్రార్మసీ ప్రాక్టీస్ విభాగం, బయోటెక్నాలజీ విభాగం సంయుక్తంగా దాసరి ఆడిటోరియంలో నిర్వహించిన ఈ సదస్సుకు 500 మందికి పైగా విద్యార్థులు హాజరయ్యారు. ఈ సందర్భంగా అసిస్టెంట్ ప్రొఫెసర్ డాక్టర్ వేమారెడ్డి హేమలత మాట్లాడుతూ.. రొమ్ము స్వయం పరీక్ష నిర్వహించే విధానం, గడ్డలు, పరిమాణ మార్పులు, చనుమొనలు లేదా చర్మంపై వచ్చే అసాధారణ లక్షణాలను గుర్తించే పద్ధతులను ప్రదర్శన ద్వారా వివరించారు. అనుమానాస్పద లక్షణాలు కనిపించిన వెంటనే వైద్యులను సంప్రదించడం ద్వారా క్యాన్సర్‌ను తొలి దశలోనే నయం చేసుకోవచ్చని తెలిపారు. మహిళలు తమ ఆరోగ్యంపై ప్రత్యేక శ్రద్ధ వహించాలని వైస్ ఛాన్సలర్ ప్రొఫెసర్ పివి రమణ, రిజిస్ట్రార్ సారథి, ఫార్మాస్యూటికల్ డీన్ జయప్రకాష్
పిలుపునిచ్చారు. గ్రామీణ ప్రాంతాల్లోనూ ఇటువంటి అవగాహన కార్యక్రమాలను కొనసాగిస్తామని వారు వెల్లడించారు.
కె రాజేష్ రిపోర్టర్ తిరుపతి
