షేర్ మొహమ్మద్ పేట లో సర్పంచ్ ఎలక్షన్ హీట్

అనూహ్యంగా సర్పంచ్ రేసులోకి షేక్ సైదా (కొట్టు సైదా)..!

సర్పంచ్ అభ్యర్థి సైదా అయితే గెలుపు కాయమంటున్న స్థానికులు …

సైదా పేరుని పరిశీలిస్తున్న హైకమాండ్.…

ప్రజాదారణ మెండుగా ఉన్న సైదా.…

జగ్గయ్యపేట నవంబర్ 6 రూరల్ మేజర్ న్యూస్:

షేర్ మహమ్మద్ పేటలో ఒక్కసారిగా రాజకీయ సమీకరణాలు మారాయి. అనూహ్యంగా తెరపైకి వచ్చిన సైదా అభ్యర్థిత్వంపై గ్రామంలో ఆసక్తికర చర్చ జరుగుతోంది.జగ్గయ్యపేట మండలం షేర్ మహమ్మద్ పేట గ్రామంలో సర్పంచ్ ఎన్నికల రాజకీయాలు రోజురోజుకూ ఆసక్తికరంగా మారుతున్నాయి. ఈ నేపథ్యంలో అనూహ్యంగా సర్పంచ్ రేసులో షేక్ జాన్ సైదా (కొట్టు సైదా) పేరు తెరపైకి రావడంతో గ్రామ రాజకీయాల్లో కొత్త చర్చ మొదలైంది.

గత 40 సంవత్సరాలుగా తెలుగుదేశం పార్టీలోనే కొనసాగుతూ పార్టీ అభివృద్ధికి తన వంతు కృషి చేస్తున్న  సైదాకు గ్రామ ప్రజల్లో మంచి ఆదరణ ఉందని స్థానికులు అభిప్రాయపడుతున్నారు. పార్టీలకు అతీతంగా అన్ని వర్గాల ప్రజలతో సన్నిహిత సంబంధాలు కలిగి ఉండటంతో పాటు, పేదలకు సహాయం చేయడంలో ఎప్పుడూ ముందుంటారని గ్రామస్తులు చెబుతున్నారు.

గ్రామంలోని వివిధ వర్గాల నుంచి సైదాకు పూర్తి మద్దతు లభిస్తోందని, ఆయన అనుచరులు సుమారు 1,200 నుంచి 1,500 ఓట్ల వరకు ప్రభావితం చేయగలరని స్థానికంగా చర్చ జరుగుతోంది. ఈ నేపథ్యంలో సైదా పేరును కూడా పార్టీ హైకమాండ్ పరిశీలిస్తున్నట్లు సమాచారం.

నాలుగు దశాబ్దాలుగా పార్టీనే నమ్ముకుని పనిచేస్తున్న జాన్ సైదాకు ఈసారి సర్పంచ్ అభ్యర్థిగా అవకాశం కల్పించాలని గ్రామంలోని పలువురు స్థానికులు ముక్తకంఠంతో కోరుతున్నట్లు తెలుస్తోంది. అధిష్ఠానం ఎలాంటి నిర్ణయం తీసుకుంటుందోనన్న ఆసక్తి ప్రస్తుతం షేర్ మహమ్మద్ పేట రాజకీయ వర్గాల్లో నెలకొంది.

అనూహ్యంగా తెరపైకి వచ్చిన కొట్టు సైదా పేరు రాబోయే రోజుల్లో గ్రామ రాజకీయాల్లో ఎలాంటి మార్పులు తీసుకువస్తుందో వేచి చూడాలి.

రిపోర్టర్ :-శివ జగ్గయ్యపేట ఎన్టీఆర్ జిల్లా