విద్యారంగంలో డా. రాజారెడ్డి అందించిన సేవలు గొప్పవి - సంతాప సభలో వక్తలు

బిట్రగుంట, మేజర్ న్యూస్ :   విద్యారంగంలో డాక్టర్ కె రాజారెడ్డి అందించిన సేవలు గొప్పవని అవి చిరస్థాయిగా నిలుస్తాయని పలువురు వక్తలు కొనియాడారు. శుక్రవారం బోగోలు మండలం కడనూతల గ్రామంలో ఆర్ ఎస్ ఆర్ ఇంజనీరింగ్ కళాశాలలో దివంగత డాక్టర్ రాజారెడ్డి సంతాప సభ చేపట్టారు. ముఖ్య అతిథిగా ఆర్.ఎస్.ఆర్. విద్యాసంస్థల చైర్మన్, మాజీ ఎమ్మెల్యే రామిరెడ్డి ప్రతాప్ కుమార్ రెడ్డి పాల్గొన్నారు.
ఆర్.ఎస్.ఆర్. విద్యాసంస్థల డైరెక్టర్‌గా సుదీర్ఘకాలం సేవలందించి, ఎంతోమంది విద్యార్థుల భవిష్యత్తుకు బాటలు వేసిన విద్యావేత్త, ప్రజ్ఞాశాలి డా. కె. రాజారెడ్డి సేవలను కొనియాడారు. ఈ సందర్భంగా డా. కె. రాజారెడ్డి చిత్రపటానికి పూలమాలలు వేసి ఘనంగా నివాళులర్పించారు.  ఈ సంతాప సభకు కావలి పట్టణానికి చెందిన ప్రముఖులు, వివిధ రంగాలకు చెందిన ప్రముఖ వ్యక్తులు, విద్యావేత్తలు, సామాజిక సేవకులు, రాజకీయ నాయకులు, అభిమానులు భారీ సంఖ్యలో హాజరయ్యారు. డా. కె. రాజారెడ్డి గారితో తమకున్న అనుబంధాన్ని గుర్తుచేసుకుంటూ ఆయనకు ఘనంగా నివాళులర్పించారు.
ఈ కార్యక్రమంలో ఆర్.ఎస్.ఆర్. విద్యాసంస్థల యాజమాన్యం, అధ్యాపకులు, సిబ్బంది, కుటుంబ సభ్యులు, కావలి పట్టణ ప్రముఖులు, వివిధ రంగాలకు చెందిన ప్రతినిధులు, పలువురు ప్రజాప్రతినిధులు, నాయకులు, అభిమానులు పెద్ద సంఖ్యలో పాల్గొని డా. కె. రాజారెడ్డికి ఘనంగా నివాళులర్పించారు.