బాలికలకు కరాటే శిక్షణ
నవాబుపేట సూర్య న్యూస్: మండలంలోని యన్మనగండ్ల జిల్లా పరిషత్ ఉన్నత పాఠశాలలో బాలికల స్వయం రక్షణలో భాగంగా కరాటే శిక్షణ కార్యక్రమాన్ని బుధవారం నిర్వహించారు.శ్రీ హనుమాన్ కరాటే యోగ ఆధ్వర్యంలో వెంకటేష్ బ్లాక్ బెల్ట్ శిక్షకులు 6వ తరగతి నుంచి 10వ తరగతి వరకు చదువుతున్న విద్యార్థినులకు కరాటేలో ప్రత్యేక శిక్షణ అందించారు.ఈ సందర్భంగా పాఠశాల ప్రధానోపాధ్యాయురాలు వనజ,యన్మనగండ్ల సర్పంచ్ రంజిత్ గౌడ్ శిక్షణ కార్యక్రమాన్ని సందర్శించారు.బాలికలు ఆత్మవిశ్వాసంతో ముందుకు సాగడంతో పాటు ఆపద సమయాల్లో తమను తాము రక్షించుకునే నైపుణ్యాలను అలవర్చుకోవాలని వారు పేర్కొన్నారు.కరాటేలో విద్యార్థినులు చూపిన ప్రతిభను అభినందిస్తూ,శిక్షణ అందించిన వెంకటేష్ను ప్రత్యేకంగా ప్రశంసించారు.ఈ కార్యక్రమంలో పాఠశాల విద్యార్థులు ఉపాధ్యాయ బృందం పాల్గొన్నారు.