ఉపాధ్యాయులుగా మారి పాఠాలు బోధించిన విద్యార్థులు
గడ్డమీది గంగారంలో ఘనంగా స్వయం పరిపాలన దినోత్సవం
ఉపాధ్యాయులుగా మారి పాఠాలు బోధించిన విద్యార్థులు
ధారూర్,మేజర్ న్యూస్ :మండల పరిధిలోని గడ్డమీది గంగారం స్థానిక ప్రాథమికోన్నత పాఠశాలలో బుధవారం స్వయం పరిపాలన దినోత్సవాన్ని ఘనంగా నిర్వహించారు. ఈ సందర్భంగా విద్యార్థులే స్వయంగా సమయసూచికను రూపొందించుకుని,దాని ప్రకారం ఉపాధ్యాయులుగా వ్యవహరిస్తూ తరగతులకు వెళ్లి విద్యాబోధన చేశారు.మధ్యాహ్నం నిర్వహించిన ప్రత్యేక సమావేశంలో ఉపాధ్యాయులుగా మారిన విద్యార్థులు మాట్లాడారు. ఈ సందర్భంగా పాఠశాల ప్రధానోపాధ్యాయుడు బి. నర్సింహులు మాట్లాడుతూ, తరగతి గదిలో ఉపాధ్యాయునిగా విధులు నిర్వహిస్తూ పాఠం బోధిస్తున్నప్పుడు పాఠాన్ని శ్రద్ధగా వినాలని విద్యార్థులు తెలుసుకున్నారని అన్నారు. తరగతి గదిలో నిశ్శబ్దంగా ఉన్నప్పుడే చెప్పిన విషయం సులభంగా అర్థమవుతుందని,ఈ విషయం విద్యార్థులకు అర్థమైందని ఆయన పేర్కొన్నారు.ఈ కార్యక్రమంలో చైర్మన్ మహేశ్వరి,పాఠశాల ఉపాధ్యాయులు ఇందిర, జగదీశ్వరమ్మ,సుధాకర్, ఈ. వెంకటయ్య,అంజిరెడ్డి, బి.వెంకటయ్య పాల్గొన్నారు.