అక్రమంగా మొరం తరలిస్తున్న టిప్పర్ పట్టివేత -- డ్రైవర్, యజమానిపై కేసు నమోదు -- టౌన్ ఎస్ఐ వెంకటేశ్వర్లు వెల్లడి

నారాయణపేట, సూర్యన్యూస్: నారాయణపేట పట్టణంలోని శాసన్‌పల్లి రోడ్డులో ఉన్న పిరమిడ్ ధ్యాన మందిరం సమీపంలో అక్రమంగా మొరం తరలిస్తున్న టిప్పర్‌ను టాస్క్ ఫోర్స్, నారాయణపేట టౌన్ పోలీసులు పట్టుకొన్నారు. టిప్పర్ నంబర్ టి ఎస్ 32 యు 0549 లో మొరం తరలిస్తున్నట్లు గుర్తించి, టిప్పర్‌ను పోలీస్ స్టేషన్కు తరలించి, ఈ ఘటనకు సంబంధించి టిప్పర్ డ్రైవర్ లక్ష్మణ్, తండ్రి వెంకటయ్య, జంగారెడ్డిపల్లి గ్రామం, నార్వ మండలం నివాసి కాగా, టిప్పర్ యజమాని మహేందర్, ఊట్కూర్ మండలానికి చెందిన వ్యక్తిగా గుర్తించారు. ఈ విషయమై నారాయణపేట పట్టణ ఎస్ఐ వెంకటేశ్వర్లు టిప్పర్ డ్రైవర్, యజమానిపై కేసు నమోదు చేసి దర్యాప్తు చేస్తున్నట్లు తెలిపారు.

– రాజేష్ కుమార్, సూర్య రిపోర్టర్, నారాయణపేట