ఎబివిపి వివిధ విభాగాల ఇంచార్జిల నియామకం

నారాయణపేట, సూర్యన్యూస్: 
అఖిల భారతీయ విద్యార్థి పరిషత్ నారాయణపేట జిల్లా వివిధ విభాగాల ఇంచార్జిలను నియమిస్తూ ఉత్తర్వులు జారీ చేశారు. వనపర్తి జిల్లా కేంద్రంలో రెండు రోజులపాటు జరిగిన పాలమూరు విభాగ్ అభ్యాస వర్గలో నూతనంగా వివిధ జిల్లాల వారికి బాధ్యతలు అప్పగించారు. ఈ మేరకు నారాయణపేట జిల్లా కన్వీనర్ మన్నె సతీష్ ఆధ్వర్యంలో జిల్లా ఖేలో భారత్ ఇన్చార్జిగా శరణ్, ఎస్ఎఫ్డి ఇంచార్జిగా సందీప్ కుమార్, సోషల్ మీడియా ఇన్చార్జిగా తరుణ్ నామాజీనీ నియమిస్తూ విభాగ్ ప్రముఖ్ కర్నే రామచందర్ ఆదేశాలు ఇచ్చారు. వారి విధులు, చేయాల్సిన కార్యక్రమాలపై దిశా నిర్దేశం చేశారు. అనంతరం సంఘం రాష్ట్ర కార్యదర్శి మాచర్ల రాంబాబు, విభాగ్ సంఘటన మంత్రి కాయం నరేంద్ర, పాలమూరు విభాగ్ కన్వీనర్ అర్జున్, పాలమూరు నగర సంఘటన మంత్రి పృథ్వి, నారాయణపేట పూర్వ జిల్లా కన్వీనర్ నరేష్, నారాయణపేట జిల్లా కన్వీనర్ సతీష్, నాగర్ కర్నూల్ జిల్లా కన్వీనర్ శాంతన్, పాలమూరు జిల్లా కన్వీనర్ సౌమ్యలు నూతన సభ్యులకు శుభాకాంక్షలు తెలిపి అభినందించారు.
-- రాజేష్ కుమార్, సూర్య రిపోర్టర్ నారాయణపేట.