కోటకొండలో విద్యుత్ అధికారుల ప్రజాబాట కార్యక్రమం

నారాయణపేట, సూర్యన్యూస్: 
నారాయణపేట మండలం కోటకొండ గ్రామంలో మంగళవారం విద్యుత్ శాఖ అధికారులు ప్రజాబాట కార్యక్రమం నిర్వహించారు. ఈ సందర్భంగా విద్యుత్ పోల్స్ పై ఉన్న లూజ్ లైన్, డ్యామేజ్ పోల్స్ ను గుర్తించారు. అదేవిధంగా విద్యుత్ లైన్ కండక్టర్ ఎక్కడైతె లూజ్ ఉందో అలాంటి ప్రాంతాలను గుర్తించి వాటి స్థానంలో నూతన కండక్టర్ ను ఏర్పాటు చేయాలని నారాయణపేట సూపరింటెండెంట్ ఇంజనీర్ (ఎస్ఈ) నవీన్ కుమార్ ఆదేశించారు. ప్రభుత్వ పాఠశాలలో ఉన్న విద్యుత్తు నియంత్రికను పాఠశాల ప్రహారి గోడ నుండి బయట అమర్చమని ఆధికారులకు ఆదేశించారు. ఈ కార్యక్రమంలో ఏఈ సాయినాథ్ రెడ్డి, సర్పంచ్ వెంకట్రాములు గౌడ్, ఉప సర్పంచ్ చెన్నప్ప యాదవ్, ఎల్.ఐ. రవీంద్ర చారి, దేవణ్ణ, విద్యుత్ కాంట్రాక్టర్ మైనోద్దిన్, కె.రాజు, ఆర్టీజన్ మహేశ్వర్ పాల్గొన్నారు.
-- రాజేష్ కుమార్, సూర్య రిపోర్టర్ నారాయణపేట.