టైసన్ నాయుడు టీజర్ రిలీజ్.. పవర్ఫుల్ పోలీస్ పాత్రలో బెల్లంకొండ సాయి శ్రీనివాస్!
సూర్య ఎంటర్టైన్మెంట్ డెస్క్: టాలీవుడ్ యాక్షన్ హీరో బెల్లంకొండ సాయి శ్రీనివాస్ నటిస్తున్న హై వోల్టేజ్ యాక్షన్ ఎంటర్టైనర్ టైసన్ నాయుడు టీజర్ విడుదలై ప్రేక్షకుల్లో ఆసక్తి రేకెత్తిస్తోంది. అప్పట్లో ఒకడుండేవాడు, భీమ్లా నాయక్ చిత్రాల దర్శకుడు సాగర్ కె చంద్ర తెరకెక్కిస్తున్న ఈ సినిమాలో సాయి శ్రీనివాస్ శక్తిమంతమైన పోలీసు అధికారిగా కనిపించనున్నారు. ఇప్పటివరకు చూడని కొత్త మాస్ లుక్, యాక్షన్ అవతార్తో ఆయన సందడి చేస్తుండటంతో ఈ ప్రాజెక్ట్పై మంచి బజ్ ఏర్పడింది.
తాజాగా విడుదలైన టీజర్ ఆద్యంతం ఉత్కంఠభరితంగా సాగుతూ సినిమాలోని ప్రధాన సంఘర్షణను ఆవిష్కరించింది. నేరస్థులు, సమాజానికి ఇబ్బంది కలిగించే వారిని ఎదుర్కోవడానికి పోలీసు శాఖలో ఎస్ఓటీ పేరుతో ఒక ప్రత్యేక విభాగాన్ని ఏర్పాటు చేస్తారు. అధికారిక రికార్డులు, అరెస్టులతో సంబంధం లేకుండా అక్కడికక్కడే శిక్షించే విధానంతో సాగే ఈ టీమ్ కార్యకలాపాలు, మరోవైపు నగరంలో జరుగుతున్న వరుస నేరాల వెనుక ఉన్న భారీ కుట్రను కథానాయకుడు ఛేదించే తీరు టీజర్లో ఆసక్తికరంగా చూపించారు.
ఈ చిత్రంలో నేహా శెట్టి కథానాయికగా నటిస్తుండగా, ప్రజ్ఞా జైస్వాల్ పాత్రలో ఏదో మిస్టరీ దాగి ఉందనే విధంగా ఆమె షాట్స్ను రూపొందించారు. నరేష్, సునీల్, రావు రమేష్ వంటి సీనియర్ నటులు కీలక పాత్రల్లో కనిపిస్తున్నారు. ఇప్పటికే విడుదలైన మదరాసి రబ్బరు బొమ్మ పాట జానపద బీట్స్, దృశ్యాలతో శ్రోతలను ఆకట్టుకోగా, తాజా టీజర్తో సినిమాపై మరింత క్యూరియాసిటీ పెరిగింది.
14 రీల్స్ ప్లస్ బ్యానర్పై రామ్ ఆచంట, గోపీ ఆచంట ఈ చిత్రాన్ని నిర్మిస్తుండగా, హరీష్ కట్ట ఎగ్జిక్యూటివ్ ప్రొడ్యూసర్గా వ్యవహరిస్తున్నారు. అనీత్, ముకేష్ జ్ఞానేష్ సినిమాటోగ్రఫీ, భీమ్స్ సిసిరోలియో నేపథ్య సంగీతం టీజర్కు ప్రత్యేక ఆకర్షణగా నిలిచాయి. కోటగిరి వెంకటేశ్వరరావు ఎడిటింగ్, అవినాష్ కొల్లా ప్రొడక్షన్ డిజైన్, విజయ్ పోలాకి, భాను యాక్షన్ కొరియోగ్రఫీతో రూపొందుతున్న టైసన్ నాయుడు యాక్షన్ ప్రియులను అలరించేందుకు సిద్ధమవుతోంది.